Lajme flash
Rritet inflacioni, nivel rekord në 15 vitet e fundit
7 Mars 2023, 21:41 / EKONOMI&SOCIALE
ALFA PRESS
Pas frenimit në muajin nëntor, inflacioni bazë është rritur sërish në muajin janar. Me të dhënat që mat Banka e Shqipërisë, pritshmëritë që niveli i inflacionit të ulet në 3% duket se janë të largëta.
Inflacioni bazë arriti në 8.7% në muajin janar, nga 8.4% që kishte qenë në dhjetor. Ky është niveli më i lartë i 15 viteve të fundit, etapë kur filloi edhe seria e të dhënave historike të Bankës së Shqipërisë.
Rritja e çmimeve vjen, pas një frenimi të përkohshëm në muajin nëntor të vitit të kaluar. Me këtë tregues, sinjalet që inflacioni të kthehet në nivelin e shëndetshëm 3% janë në ekonomi, mund shkojnë edhe përtej vitit 2024.
Inflacioni bazë mat ndryshimin e çmimeve të konsumit, duke përjashtuar produktet që kanë luhatje të shpeshta në treg, si ushqimet dhe energjia.
Për Eurozonën, treguesi i inflacionit bazë në muajin shkurt arriti në 5.6%, në rritje të mëtejshme nga niveli 5.3% i muajit janar.
Në mbledhjet e Këshillit Mbikëqyrës, Banka e Shqipërisë e ka mbajtur të pandryshuar normën bazë në 2.75%, pasi e kishte rritur për tre herë radhazi me 0.5% në mbledhjet e mëparshme. Ky frenim i dha një lloj frymëmarrjeje tregut financiar dhe veçanërisht tregut të bonove dhe obligacioneve të Qeverisë.
Po ndodh...
ide
Edhe populizmin e fusim në krizë!
Nga Alban Daci
Pakti mes politikës dhe drejtësisë është prishur!
Nga Blendi Kajsiu
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128