English
Luaj me Fjalëkryq
Lajme flash

Të huajt preferojnë Shqipërinë edhe në dimër/ Rreth 14.5% më shumë në janar. Shtohen vizitorët nga Afrika, Azia dhe Europa

26 Shkurt 2025, 17:28 / EKONOMI&SOCIALE ALFA PRESS

Të huajt preferojnë Shqipërinë edhe në dimër/

Shqipëria po vijon të konsolidohet si një destinacion turistik që nuk tërheq vizitorë vetëm në sezonin klasik të verës por gjatë gjithë vitit. Të dhënat më të fundit të publikuara nga Instituti i Statistikave (INSTAT) tregojnë se gjatë muajit janar 2025 kanë hyrë në territorin e Republikës së Shqipërisë gjithsej 1.158.204 shtetas shqiptarë dhe të huaj, duke shënuar një rritje prej 12.4% krahasuar me të njëjtën periudhë të vitit të kaluar.

Nga totali i hyrjeve, 51.6% i përkasin shtetasve shqiptarë, me një rritje prej 10.6%, ndërsa pjesa tjetër janë shtetas të huaj, të cilët kanë shënuar një rritje prej 14.5% krahasuar me janarin e vitit 2024. Në të njëjtën periudhë, numri i daljeve nga territori shqiptar ka arritur në 1.3 milionë shtetas shqiptarë dhe të huaj.

Një analizë më e detajuar e hyrjeve sipas rajoneve të origjinës tregon një zgjerim të ndjeshëm të bazës turistike, me një rritje të konsiderueshme të vizitorëve nga pothuajse të gjithë rajonet e globit. Afrika ka regjistruar rritjen më të madhe, me 134.8%, më pas ndjek Azia e Jugut me një rritje prej 116.7%, ndërkohë që rajone të tjera si Lindja e Mesme, Azia Lindore dhe Amerika kanë tentuar të zgjerohen në një masë më të vogël.

Megjithatë, Europa mbetet tregu kryesor i turizmit shqiptar, duke përfaqësuar 97% të hyrjeve të shtetasve të huaj. Në janar 2025, janë regjistruar mbi gjysëm million hyrje nga vendet europiane, me një rritje prej 14.3% krahasuar me një vit më parë.

Në aspektin e qëllimit të vizitës, 97% e hyrjeve të shtetasve të huaj kanë qenë për qëllime personale, ku dominojnë udhëtimet për pushime, vizita familjare dhe aktivitete turistike. Po ashtu, një rritje e konsiderueshme është vënë re në hyrjet për qëllime biznesi dhe profesionale.

Rritja e vazhdueshme e numrit të vizitorëve gjatë gjithë vitit është një tregues pozitiv për ekonominë dhe zhvillimin e sektorit të turizmit në Shqipëri. Vitet e fundit, vendi ynë ka dëshmuar potencialin e tij për t’u afirmuar si një nga destinacionet më tërheqëse jo vetëm në rajon, por edhe më gjerë./SCAN

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128