FLASH NEWS
Emri/ Humbën jetën tragjikisht pas rrjedhjes së gazit, ja kush janë 4 anëtarët e familjes shqiptare
2026-02-05 09:44:43 / AKTUALITET
Dalin emrat e katër anëtarëve të një familjeje shqiptare që humbën jetën tragjikisht në Lucca të Italisë, si pasojë e një rrjedhjeje gazi në banesën e tyre.
Viktimat janë Arti Kola, 48 vjeç, bashkëshortja e tij Jonida Kola, 42 vjeçe, si edhe dy fëmijët e tyre, Hajdari, 23 vjeç, dhe Xhesika, 15 vjeçe. Ndërkohë, personi i pestë i përfshirë në ngjarje, vëllai i kryefamiljarit, mbeti i lënduar dhe po merr trajtim mjekësor në spital.
Ngjarja e rëndë ka ndodhur mbrëmjen e djeshme, ndërsa dyshohet se shkak ka qenë një defekt në kaldajën e banesës së tyre trekatëshe.
Mediat italiane shkruajnë se gjatë hyrjes në banesë, ekipet e shpëtimit dhe policia kanë gjetur tryezën shtruar, pasi familja ishte përgatitur për të ngrënë darkën.
Gjithashtu raportohet se ka qenë vëllai i kryefamiljarit, i cili ka dhënë alarmain dhe ka njoftuar karabinierët. Pasi mbërritën në banesën trekatëshe dhe nuk morën asnjë përgjigje pas trokitjeve të shumta, ata u detyruan të thyejnë derën.
Brenda gjetën trupat e katër familjarëve, ndërsa edhe vëllai i kryefamiljarit përfundoi në spital, pasi ra në kontakt me monoksidin e karbonit.
Po ashtu raportohet se në vendngjarje mbërriti edhe kryebashkiaku i Porcarit, Leonardo Fornaciari, i cili shprehu tronditje dhe dhimbje të thellë për një tragjedi që, sipas tij, ka prekur mbarë komunitetin e këtij qyteti të vogël, vetëm pak kilometra larg Luccës.
Happening now...
ideas
Where are we going?
Nga Sidi Hasanaj
They did not hinder Basha, but the political rotation
Nga Ermal Peçi
Hasimja kërkon të
Nga Neritan Vladi
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128