Akuzohet për përvetësim fondesh shtetërore, ish-ministri i Kulturës hungareze përfundon në pranga

Ish-ministri i Kulturës i Hungarisë dhe deputeti aktual, Balazs Hanko, është arrestuar pas akuzave për përvetësim fondesh në Fondin Kombëtar të Kulturës (NKA), institucion që mbikëqyret nga Ministria e Kulturës.

Prokuroria hungareze bëri të ditur të martën se Hanko u ndalua të hënën në mbrëmje në ambientet e Administratës Kombëtare të Tatimeve dhe Doganave, pasi parlamenti votoi për heqjen e imunitetit të tij.

Hanko i ka mohuar akuzat. Para arrestimit, në një transmetim të drejtpërdrejtë në “Facebook”-un e kryeministrit Viktor Orban, ai deklaroi se “ndërgjegjja ime është e pastër” dhe e cilësoi çështjen si një “gjyq politik”.

Hetimi lidhet me pretendime se Fondi Kombëtar i Kulturës ka kanalizuar miliarda forinta në grante shtetërore drejt artistëve dhe organizatave me lidhje me partinë Fidesz, përmes një procesi jo-transparent të shpërndarjes së fondeve. Personat dhe organizatat e përfshira kanë mohuar çdo shkelje.

Në korrik, policia bastisi zyrat ku ndodhen serverët e internetit të Fidesz-it, në kuadër të hetimit për “përvetësim dhe vepra të tjera penale” të dyshuara në lidhje me fondin kulturor.

Hanko nuk është i vetmi ish-zyrtar i lartë i arrestuar. Të hënën u ndalua gjithashtu Miklos Sesztak, i cili ka shërbyer si ministër i Zhvillimit Kombëtar në qeverinë e Orbanit nga viti 2014 deri në vitin 2018. Ai po hetohet për dyshime për ryshfet dhe, gjithashtu, mohon çdo shkelje.

Zhvillimet vijnë në një kohë kur qeveria e kryeministrit Peter Magyar ka intensifikuar fushatën kundër korrupsionit dhe keqpërdorimit të fondeve publike. Magyar deklaron se korrupsioni dhe keqpërdorimi i parave publike i kanë kushtuar Hungarisë mes 8% dhe 10% të Prodhimit të Brendshëm Bruto në vitet e fundit, nën qeverisjen e ish-kryeministrit Viktor Orban.

Orban ka mohuar akuzat se ka lejuar që korrupsioni të mbetet i pandëshkuar gjatë 16 viteve të tij në pushtet.

Në një reagim në “Facebook”, Magyar e cilësoi të hënën si një ditë të rëndësishme, duke thënë se pas dekadash, shumë hungarezë po përjetojnë atë që ai e përshkroi si “barazi para ligjit”.

Hetimi ndaj Hanko-s dhe Sesztak-ut mbetet në zhvillim, ndërsa autoritetet pritet të marrin në shqyrtim edhe raste të tjera të dyshuara të korrupsionit dhe keqpërdorimit të fondeve publike.

Po ndodh...

11:11 POLITIKË

SPAK refuzon kërkesën për pjesëmarrjen e Veliajt në mbledhjen e Këshillit Bashkiak

11:04 AKTUALITET

Together with his brother, they killed the 36-year-old in Dibër, who is the young man arrested today in Italy? Wanted for 8 years by Albanian justice

11:03 POLITIKË

Not just Kushner: Three more resorts are being designed in the Zvërnec protected area

10:54 BOTA

European Commission proposes restricting rights for future EU members

10:47 AKTUALITET

Hit his head during a football match, 16-year-old Albanian dies in Greece

10:41 AKTUALITET

Seizure of 22 tons of cocaine/ Ecuadorian media: Albanian mafia attempted to bribe intelligence agents

10:27 RECETA ALFA

Meatballs with cornmeal and leek

10:26 SPORT

Change in the roster due to injury, AFF issues official announcement

10:09 AKTUALITET

Ilir Topi announced his resignation, the new head of the Mandatory Health Care Fund is introduced today

09:57 EKONOMI&SOCIALE

Youth employment worsens, unemployment increased by 16% in the second quarter of 2026

09:52 POLITIKË

'We will only stop when Rama leaves'/ German media: 'Frankfurt Flamingos' have been protesting for 4 months

09:34 BOTA

Komploti për sulm terrorist në bazën ajrore në Britani që përdoret nga SHBA, Rubio: I përfshirë një aktor i huaj

09:18 AKTUALITET

Shiste kokainë në lokalin që kishte marrë me qira, arrestohet në flagrancë 57-vjeçari

09:03 AKTUALITET

Masa e arrestit për Vlora Hysenin, media italiane: Korrupsioni në Shqipëri, një problem i madh

Dua të lexoj më shumë lajme