FLASH NEWS
“Hyra me disa armë dhe askush nuk dyshoi!”, çfarë u shkroi 31-vjeçari familjarëve të tij 10 minuta para se të hapte zjarr gjatë darkës ku ishte Trump
2026-04-26 22:04:05 / BOTA
Personi i armatosur, Cole Thomas Allen, i cili hapi zjarr gjatë darkës së korrespondentëve të Shtëpisë së Bardhë, kishte dërguar një mesazh anëtarëve të familjes së tij pak para sulmit të së shtunës në mbrëmje, duke e quajtur veten “vrasës federal miqësor” dhe duke zbuluar se synonte të vriste zyrtarë qeveritarë.
Sipas raportimit të New York Post, mesazhi, i cili iu dorëzua policisë nga një i afërm i tij, përmbante deklarata të forta dhe justifikime ideologjike. “Të kthesh faqen tjetër vlen kur je vetë i shtypur. Unë nuk jam personi që u përdhunua në një qendër ndalimi. Nuk jam peshkatari që u ekzekutua pa gjyq”, shkruante Allen.
“Nuk jam një fëmijë që u vra në një sulm me bombë në shkollë, as një fëmijë që vdes nga uria, as një adoleshente e abuzuar nga kriminelët e shumtë të kësaj qeverie. Të kthesh faqen tjetër kur shtypet dikush tjetër nuk është sjellje e krishterë, por bashkëfajësi në krimet e shtypësit”, shtonte ai.
Allen i përshkruante objektivat e tij si “zyrtarë të qeverisë (me përjashtim të drejtorit të FBI-së, Kash Patel), të cilët përbëjnë objektiva me përparësi nga nivelet më të larta te më të ulëtat”. “Nuk jam më i gatshëm të lejoj që një pedofil, përdhunues dhe tradhtar të më njollosë duart me krimet e tij”, shkruante ai.
Në mesazhin e tij ai përmendte edhe mënyrën e sulmit, duke pretenduar se do të përdorte municion me saçma për të kufizuar dëmet anësore, megjithëse pranonte se do të kalonte edhe përmes të tjerëve për të arritur objektivat, nëse do të ishte e nevojshme.
Allen kritikonte gjithashtu mungesën e masave të sigurisë në hotel, duke pretenduar se edhe agjentë të huaj do të mund të sillnin armë më të rënda pa u vënë re. “Gjëja e parë që vura re duke hyrë në hotel ishte ndjenja e arrogancës. Hyra me disa armë dhe askush nuk dyshoi”, shkruante ai.
Sipas një zyrtari amerikan, vëllai i tij njoftoi policinë në New London për ekzistencën e manifestit. Ndërkohë, Sherbimi Sekret Amerikan mori në pyetje motrën e tij në Rockville, e cila deklaroi se ai shpesh shprehte pikëpamje ekstreme politike dhe fliste për ndërmarrjen e një veprimi për të “rregulluar botën”.
Ai rezulton të ketë qenë anëtar i një grupi të quajtur The Wide Awakes dhe dyshohet se kishte marrë pjesë në një protestë “No Kings” në Kaliforni, ku studionte dhe punonte si mësues.
Happening now...
ideas
top
Alfa recipes
services
- POLICE129
- STREET POLICE126
- AMBULANCE112
- FIREFIGHTER128