FLASH NEWS
Mesia Trump, ose ëndrra në diell e të korruptuarve
2024-11-07 11:14:41 / EDITORIAL
Rikthimi i presidentit Trump në Shtëpinë e Bardhë ka ngjallur reagime të forta edhe në katundin tonë. Politikat e presidentit Biden me dekretin e famshëm antikorrupsion, i cili e shpallte korrupsionin si një rrezik kombëtar për SHBA, pati jehonë edhe në Shqipëri. Përkrahja për SPAK dhe politika e shpalljes non gratta të politikanëve të korruptuar shkaktoi viktima në Tiranë mes politikanëve më të rëndësishëm. Bilanci është impresionues. Dy ish presidentë e ish kryeministra të arrestuar, ministra të arrestuar, kryebashkiakë të arrestuar. Loja pritej të vazhdonte me të njëjtin ritëm. Ndaj është e natyrshme që të korruptuarit që po shikonin tokën t'u hapej nën këmbë, të shpresojnë në një ndryshim politike nga presidenti i sapozgjedhur. Për më tepër që Trump ishte vetë viktimë e drejtësisë. Shumë hetime ndaj tij dhe një dënim nga një juri popullore.
Të dy krahët e politikës së korruptuar kanë shfaqur entuziazëm. Nga Foltorja kjo shprehet hapur prej eksponentëve kryesorë. Vetë i shpalluri non gratta dhe i burgosuri për korrupsion, Sali Berisha, i bëri një urim të nxehtë presidentit të ri. Emisarët e tij gjenden në Uashington për të lobuar fatin e liderit, që lidhet ngushtë edhe me të ardhmen e tyre politike.
Nga krahu tjetër, përgjatë fushatës rilindësit kanë qenë më të rezervuar në prononcimet publike. Por snajperat e tyre mediatikë nuk e kanë fshehur preferencën e tyre për kandidatin kontrovers. Ama pas fitores së Trump edhe përfaqësuesit politikë nuk e fshehin ekzaltimin. Mesazhi i urimit të Edi Ramës ishte euforik. Kryeministri prej kohësh tashmë ka vënë bast për fitoren e Trump. Jo më kot i ofroi Sazanin dhëndrit të tij. Një ishull i virgjër i Mesdheut duket një qokë e denjë për një familje miliardere.
Këtu lind pyetja: Si është e mundur që dy parti, njëra e majtë në pushtet dhe tjetra e djathtë në opozitë të duan të njëjtën gjë? Përgjigjia është e thjeshtë. Kanë hall të përbashkët dhe halli i tyre quhet SPAK. Ky hall i përbashkët i detyroi të bashkëpunonin haptas në sy të të gjithë shqiptarëve. Bashkuan votat për të liruar të korruptuarit e dënuar nga SPAK dhe bashkuan votat për të mbyllur listat. Janë formalisht dy parti të ndryshme, por realisht përbëjnë një pol të vetëm politik. Polin e të korruptuarve që duan të ruajnë status quo-në. Trump duket të jetë shpresa e tyre e fundit.
Mirëpo nëse e shohim në retrospektivë sjelljen e administratës Trump përgjatë mandatit të tij të parë, mund të themi se shpresa e të korruptuarve nuk ka asnjë bazë solide. Reforma në drejtësi në Shqipëri vërtet nisi nga administrata Obama me votën e detyruar pro ndryshimeve kushtetuese në vitin 2016, por ajo reformë mori jetë me përkrahjen e fuqishme të administratës Trump. Votimi i ligjeve të reformës dhe instalimi i SPAK u bë me investimin e fortë të administratës Trump.
Edhe politika e non gratta-ve në Shqipëri ka nisur nga administrata Trump. Vërtet presidenti Biden e shpalli korrupsionin një rrezik për sigurinë e SHBA-ve, por në Shqipëri politikën e non gratta-ve e nisi administrata Trump, me shpalljen non gratta të ish kryeprokurorit Adriatik Llalla, të Tom Doshit e të Vangjush Dakos.
Edhe bileta one-way e Sali Berishës është prerë nga administrata Trump. Yuri Kim ishte e para ambasadore e SHBA që nuk e takoi kurrë Sali Berishën. Deri në atë kohë Sali Berisha ishte një interlokutor i pashmangshëm i amerikanëve për shkak të peshës së tij reale në Partinë Demokratike. Yuri Kim nuk e takoi kurrë, jo sepse nuk e pëlqente Sali Berishën, pasi ajo as nuk e njihte, por se të tilla i ka pasur urdhrat nga eprorët e saj në Uashington. Fati i Sali Berishës ishte paracaktuar kohë përpara se të shpallej botërisht non gratta nga sekretari Blinken. Ambasadorja Yuri Kim, e emëruar nga presidenti Trump gjatë mandatit të tij të parë, është ambasadorja amerikane që ka punuar më fort se cilido amerikan apo europian për reformën në drejtësi.
Pra e shkuara e afërt na tregon qartë se shpresat e të korruptuarve për amnistim nga mesia Trump janë ëndrra në diell. Të korruptuarit janë të lirë të ëndërrojnë, por fati i tyre duket i vulosur.
Happening now...
Unpredictability, proof of the independence of justice
Nga Blendi Kajsiu
ideas
My mother Militant
Nga Ermal Mulosmani
Saliu hits the opponents for what he has done himself
Nga Spartak Ngjela
The opposition was shamefully silent again about the 2025 Budget.
Nga Sidi Hasanaj
top
Alfa recipes
TRENDING 
services
- POLICE129
- STREET POLICE126
- AMBULANCE112
- FIREFIGHTER128