FLASH NEWS
Misteri i origjinës së jetës, ja çfarë thotë studimi më i fundit
2025-03-31 11:36:43 / MISTERE&KURIOZITETE
Një studim i ri i publikuar më 14 mars në revistën “Science Advances” hedh dritë mbi një mekanizëm të ri të mundshëm për lindjen e jetës në Tokën e hershme: mikro-rrufetë – shkarkesa të padukshme elektrike që ndodhin midis pikave të vogla të ujit në mjegull ose avull.
Në vitin 1953, eksperimentet e njohura të Miller dhe Urey provuan se aminoacidet – blloqet ndërtuese të jetës – mund të formoheshin përmes përzierjes së gazrave si amoniaku, metani dhe hidrogjeni me ujin dhe një rrymë elektrike, duke simuluar atmosferën e hershme të Tokës. Kjo përforcoi teorinë e abiogjenezës – se jeta mund të lindë nga materia jo e gjallë.
Studimi i fundit, i udhëhequr nga Dr. Richard Zare në Universitetin Stanford, e përmirëson këtë eksperiment duke e përqendruar vëmendjen te energjia e liruar nga pikat mikroskopike të ujit që kanë ngarkesa të kundërta elektrike.
Kur këto pika afrohen, elektronet kalojnë nga njëra te tjetra, duke krijuar “mikrorrufetë” që janë të mjaftueshme për të ndarë lidhjet e forta të azotit dhe për të krijuar molekula organike.
Në përzierjet e tyre, studiuesit zbuluan aminoacidin glicinë dhe uracilin, një përbërës i ARN-së, të cilët ishin krijuar nga këto shkarkesa të vogla.
Kjo sugjeron që, ndryshe nga rrufetë e zakonshme që janë të rralla, mikrorrufetë mund të kenë ndodhur vazhdimisht në sipërfaqe me ujë të hershëm – si pellgje apo liqene – duke krijuar përbërësit bazë të jetës në sasi të konsiderueshme.
Studiuesit theksojnë se nuk kanë zbuluar një kimi apo fizikë të re, por kanë ofruar një mekanizëm të ri për shfaqjen e përbërësve të jetës në kushte realiste të Tokës së hershme. Zbulimi i mikrorrufevë e forcon edhe më shumë idenë se uji dhe elektriciteti mund të kenë luajtur një rol të dyfishtë në lindjen e jetës.
Kjo teori i bashkohet hipotezave të tjera për origjinën e jetës, si ajo pranë ventileve hidrotermale në fund të oqeanit apo ajo e panspermisë – ardhjes së molekulave nga hapësira. Megjithatë, mbetet ende e hapur pyetja se si saktësisht lindi jeta në Tokë, dhe ky studim afron një hap më pranë zbulimit të kësaj enigme.
Happening now...
Rama-Meta, si aleanca e 1 Prillit zhbëhu Shqipërinë
Nga Namir Lapardhaja
ideas
top
TRENDING 
services
- POLICE129
- STREET POLICE126
- AMBULANCE112
- FIREFIGHTER128