Lajme flash
Pas Milanit, edhe Besiktasi hyn në garë për yllin e Real Madridit
2026-08-16 13:54:00 / SPORT
Brahim Diaz është kthyer në një nga emrat më të kërkuar në fundin e afatit kalimtar, me Milanin dhe Besiktasin që kanë shfaqur interesim për sulmuesin e Real Madridit.
Milani e njeh mirë 27-vjeçarin, i cili luajti tri sezone në “San Siro” si i huazuar nga viti 2020 deri në 2023. Gjatë kësaj periudhe, Brahim zhvilloi 124 ndeshje, shënoi 18 gola dhe dhuroi 15 asistime, duke qenë pjesë e skuadrës që fitoi titullin e Serie A në sezonin 2021/22.
Klubi italian po shqyrton rikthimin e tij për të përforcuar repartin ofensiv, ndërsa në garë është futur edhe Besiktasi.
Gjiganti turk ka zhvilluar kontakte për të mësuar më shumë rreth situatës së Brahimit dhe mundësisë së një transferimi në ditët e fundit të afatit kalimtar.
Megjithatë, futbollisti nuk po e konsideron lehtë largimin nga Madridi. Brahim dëshiron të luftojë për një vend në formacionin e Jose Mourinhos, pavarësisht konkurrencës së madhe në repartin ofensiv.
Arda Guler, Endrick dhe futbollistë të tjerë po kërkojnë gjithashtu më shumë minuta gjatë sezonit të ri, ndërsa Brahimi ka dhënë sinjale pozitive gjatë përgatitjeve parasezonale.
Pozita e Real Madridit është e favorshme edhe për shkak të kontratës së re të Brahimit, e cila pritet ta mbajë atë në klub deri në vitin 2030.
Për këtë arsye, si Milani ashtu edhe Besiktasi do të duhet të paraqesin një ofertë bindëse nëse duan ta largojnë marokenin nga “Santiago Bernabeu”.
Milani kërkon rikthimin e tij, Besiktasi po monitoron situatën, ndërsa vendimi përfundimtar mbetet në duart e Real Madridit dhe vetë Brahimit.
Po ndodh...
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128