Flamur Noka dhe Tritan Shehu pasi ripërtërijnë PD e Gjirokastrës, kërkojnë Qeveri Teknike!

Partia Demokratike ka nisur zyrtarisht turin e saj mbarëkombëtar, me fokus ripërtëritjen, organizimin dhe forcimin e strukturave të partisë. Sekretari i Përgjithshëm i Partisë Demokratike, Flamur Noka së bashku me deputetin e zonës i dalë nga lista e mbyllur, Tritan Shehu, zhvilluan takimin e parë të këtij turi në qytetin e Gjirokastrës, ku u takua me drejtuesit lokalë, strukturat dhe anëtarësinë demokrate.

Në qendër të takimit ishte organizimi i brendshëm i partisë, mobilizimi i bazës dhe analiza e situatës politike në vend. Noka kërkoi angazhim më të madh të strukturave dhe ngritjen e Partisë Demokratike në lartësinë e detyrës përballë sfidave politike që po përballet Shqipëria.

Gjatë fjalës së tij, Noka e cilësoi situatën aktuale politike dhe ekonomike tejet dramatike, duke akuzuar qeverinë dhe kryeministrin Edi Rama për një sërë skandalesh dhe për mungesë përgjegjësie ndaj qytetarëve, ndaj dhe kërkoi urgjentisht Qeveri Teknike.

“Sot Edi Rama dhe qeveria e tij janë kthyer në një problem të madh për vendin, ku skandalet që prodhohen çdo ditë dëshmojnë mungesën e çdo sensi morali dhe përgjegjësie”, u shpreh Noka.

Sekretari i Përgjithshëm i PD-së deklaroi se qeverisja aktuale dhe lidhjet që ekzistojnë me krimin e organizuar përbëjnë një barrë të rëndë për vendin. Ai akuzoi mazhorancën se ka dëmtuar funksionimin e institucioneve dhe se qytetarët po përballen me pasoja të situatës politike dhe ekonomike.

Një tjetër pikë e rëndësishme e mesazhit të Nokës ishte nevoja për garantimin e zgjedhjeve të lira dhe demokratike. Sipas tij, krijimi i një qeverie teknike përbën zgjidhjen e propozuar nga opozita për të garantuar një proces zgjedhor të besueshëm dhe për t’i dhënë fund kapjes së institucioneve.

Noka kërkoi gjithashtu forcimin e organizimit të opozitës në të gjithë vendin, duke e paraqitur turin si një proces që nuk do të kufizohet vetëm në takime me strukturat, por do të shërbejë edhe për analizimin e situatës në çdo degë dhe për mobilizimin e anëtarësisë.

“Misioni i Partisë Demokratike është të ngrihet në lartësinë e detyrës për t’u bërë ballë sfidave të kohës, për t’u forcuar dhe për t’i dhënë vendit një drejtim të ri politik”, ishte mesazhi i përcjellë nga Noka.

Turi mbarëkombëtar do të vijojë në degët e PD-së në të gjithë Shqipërinë. Në fokus do të jenë riorganizimi i strukturave, forcimi i lidhjes me anëtarësinë, analiza e situatës politike dhe përgatitja e opozitës për aksionin e ardhshëm politik.

Po ndodh...

11:31 AKTUALITET

Gjykata e Posaçme lë në fuqi arrestin me burg për Bledar Cafin

11:10 BOTA

Alarm pranë bazës ajrore në Britani, evakuohen banorët…

10:58 AKTUALITET

Furnizonin me drogë shkollat e Tiranës/ Mes të arrestuarve edhe një ish-efektiv policie

10:35 AKTUALITET

Edhe pulat nga Tajlanda, 197 tonë mish përmes Kosovës, raporti i KE ngre pikëpyetje për kontrollet

10:17 SPORT

Manaj pas fitores me Bjellorusinë: Duhet të përshtatemi me skemat e reja të Maran

Preç Zogaj 10:07 IDE

Një bravo për Altin Dumanin dhe Bledar Maksutin me shokë

Preç Zogaj

09:57 KOSOVA

Nëntë të arrestuar për krime lufte në Zubin Potok lidhur me rastin e “Grupit të Intelektualëve”

09:47 SHOWBIZ

“Nuk jemi të përputhshëm”, zbulohet arsyeja që dyshohet se i dha fund martesës së Brady dhe Gisele

09:40 POLITIKË

Rama mesazh shqiptarëve nga Rinasi pas kthimit nga SHBA. Nesër mblidhet Këshilli i Sigurisë Kombëtare

09:19 AKTUALITET

Goditen grupet që shpërndanin drogë pranë shkollave në Tiranë, për 31 persona “arrest në burg”, 14 shpallen në kërkim

09:04 EKONOMI&SOCIALE

Pagesat për koncesionet arrijnë në 1 miliard euro, 440 milionë shkuan për kontratat nën hetim

08:55 AKTUALITET

Sot Tiranathlon, rrugët ku kufizohet qarkullimi i mjeteve dhe si do devijohen linjat e autobusëve

08:34 BOTA

“Paga të majme dhe shtetësi ruse”, si po rekruton Rusia bjellorusët për luftën në Ukrainë

08:29 EKONOMI&SOCIALE

Kursi i këmbimit valutor, 27 shtator 2026

Dua të lexoj më shumë lajme