Lajme flash
Hollywood-i në zi, ndahet nga jeta në moshën 36-vjeçarja aktorja e njohur
17 August 2026, 08:52 / SHOWBIZ
Aktorja amerikane Hayden Panettiere, e njohur për rolet e saj në serialet “Heroes” dhe “Nashville”, ka ndërruar jetë në moshën 36-vjeçare.
Lajmi është konfirmuar nga familja e saj dhe është raportuar nga CBS News. Babai i saj, Skip Panettiere, e përshkroi aktoren si “një dritë të jashtëzakonshme” dhe një forcë që u solli dashuri dhe gëzim njerëzve që e njihnin dhe miliona shikuesve që e ndoqën në ekran.
Panettiere e nisi karrierën shumë herët. Ajo ishte vetëm katër vjeçe kur mori pjesë në telenovelën amerikane “One Life to Live”.
Më pas, ajo u bë e njohur në mbarë botën me rolin e Claire Bennet në serialin fantastiko-shkencor “Heroes”, ku luajti vajzën me superfuqi që përpiqej të shpëtonte botën.
Aktorja pati gjithashtu role të rëndësishme në filmat “Remember the Titans” dhe “Raising Helen”, ndërsa një tjetër prej roleve të saj më të njohura ishte ai i Juliette Barnes në serialin muzikor “Nashville”.
Vdekja e saj ka shkaktuar reagime të shumta në industrinë e filmit dhe televizionit. Detajet mbi rrethanat e vdekjes nuk janë bërë ende publike.
Lajmi për ndarjen e saj nga jeta vjen në një moshë tepër të re, duke rikthyer vëmendjen te karriera e një prej aktoreve që u bë e njohur që në fëmijëri dhe arriti famë ndërkombëtare në moshë të re.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128