"I tregove botës se je figura më e pastër politike që ka pasur Shqipëria"/ Biznesmeni tropojan nuk "përmbahet" në takimin e Berishës

Sali Berisha zhvilloi këtë të diel një takim me shqiptarë në New Jersey, ku foli për situatën politike në Shqipëri, shpopullimin e vendit dhe pasojat që sipas tij po sjell keqqeverisja e Edi Ramës.

Gjatë takimit, një prej të pranishmëve, biznesmeni Akil Ceci, me origjinë nga Tropoja, shprehu vlerësimin e tij për Berishën dhe i drejtoi atij disa pyetje. Ai kërkoi të dinte se çfarë do të bëjë opozita për të rrëzuar qeverinë e Edi Ramës, duke e pyetur gjithashtu nëse është përcaktuar kandidati për Bashkinë e Tiranës.

Në përgjigjen e tij, Berisha u ndal te qeverisja 13-vjeçare e Ramës, duke e cilësuar shkeljen e ligjit dhe Kushtetutës si një prej problemeve më madhore të kësaj periudhe. Për të ilustruar qëndrimin e tij, ai iu referua edhe krizës së vitit 1997 dhe skemave piramidale, duke rikujtuar vendimin e tij për t’iu përmbajtur ligjit edhe në një situatë jashtëzakonisht të vështirë politike.

Sa i përket Bashkisë së Tiranës, Berisha bëri të ditur se kandidati ende nuk është konkretizuar. Ai tha se do të vijojnë diskutimet për të zgjedhur sipas tij kandidatin më të përshtatshëm për kryeqytetin.

Akil Ceci: Unë jam Akil Ceci, biznesmen në fushën e ndërtimit në Amerikë nga Tropoja. Kam edhe mbiemrin Ceci dhe në emër të familjes Ceci jam shumë krenar që ti arrite ta pastrosh emrin tënd dhe të tregosh neve dhe gjithë botës që je figura më e pastër politike që ka pasur Shqipëria në 30 vite demokraci. Kam nja dy pyetje për ty. Desha të të pyes që parë the se qeveri teknike të ikë Edi Rama dhe ta rrëzojmë pushtetin. Doktor, koha po kalon shumë shpejt dhe u bënë shumë vite që qeveria e Ramës sundon në Shqipëri. Çfarë do bësh ti, doktor, pas këtij takimi që kemi këtu, çfarë do bësh që të rrëzosh qeverinë e Ramës dhe a e keni menduar emrin e kandidatit për Bashkinë e Tiranës.

Berisha: Pyetje shumë e drejtë. Mendoj se po ta analizosh qeverisjen 13-vjeçare të Edi Ramës, problemi më madhor në të cilin ai pastaj tejkaloi çdo lloj kufiri dhe limiti është shkelmimi i ligjit dhe Kushtetutës. Një qeveritar që betohet në Kushtetutë duhet t’i përmbahet ligjit me të gjithë vendosmërinë e tij, nuk ka asgjë më të dobishme për qytetarët dhe më të rëndësishme. Do t’jua ilustroj këtë me një shembull nga jeta ime jo kaq pozitiv. Në vitin 1997, Piramidat, të cilat realisht nuk i njihnim, krijuan një krizë të thellë, të madhe. Socialistët u thanë qytetarëve që ato para i ka marrë qeveria, qeveria nuk kishte prekur asnjë qindarkë.

Mirë... U them bashkëpunëtorëve të mi se ne, përderisa shqiptarët mendojnë se ua kemi marrë paratë, nuk duhet të pranojmë t’i qeverisim, duhet të dalim në opozitë t’jua faktojmë që nuk kemi marrë asnjë qindarkë dhe pastaj ta gjykojnë dhe vetë ata. U bë marrëveshja, fushata. Në fushatë, Fatos Nano shkonte nga salla në sallë dhe thoshte: do t’ju kthej çdo qindarkë. Sali Berisha u tha: borxh është i vjetër sa njeriu, nuk ka ligj në botë që lejon të njohësh borxhin që nuk e ke marrë. T’ju them me sinqeritet juve këtu se shumë herë e kam pyetur dhe veten time, por prapë, unë mund t’jua ktheja ato lekë atyre, po, dhe qëndroja në pushtet, por po të ktheja paratë bëja një gjë të paligjshme. Nuk e bëra atë. Zbatova ligjin, zbatova ligjin në kushte tmerrësisht të vështira, ata nuk lanë gjë, ata më akuzuan për krime kundër njerëzimit, por pas 4 vitesh shqiptarët votuan Partinë Demokratike.

Edhe në 2005, vendi sundohej nga bandat. Këta krimin e quajnë mjet të dobishëm, dhe bandat në të katërta anët. Më pyesnin mua qytetarët: çfarë do bësh ti me këta? Ligjin, u thoja unë, ligjin do ua tregoja. Me këta policë që janë. E vërteta është kjo. Që nuk ishin policët që nuk donin të zbatonin ligjin, ishin politikanët që nuk i lejonin ta zbatonin. Dhe më thonin mua ata që kemi një kërkesë: që, po ta nisim këtë betejë, mos na ndalojë askush. Dhe ata zbatuan ligjin dhe në 18 muaj 1050 banditë bosë u vendosën para ligjit. Ndaj dhe u deklarova këto zero tolerancë ndaj krimit dhe karteleve. Kandidati për Bashkinë e Tiranës akoma nuk është konkretizuar. Do flasim dhe do përpiqemi t’i japim kryeqytetit kandidatin më të shkëlqyer që ka pasur ndonjëherë.

Po ndodh...

19:29 MISTERE&KURIOZITETE

Një kandil deti mbi Mars? Imazhi i NASA-s habiti ekspertët, por ja shpjegimi

19:26 SHOWBIZ

“Hajde nuse, reja jeme”, Bebe Rexha zgjedh këngën e Shyhrete Behlulit nga festa e nuses së vëllait

19:21 POLITIKË

“Edi Ramën do ta largojmë nga qeveria, asgjë nuk na ndal”/ Berisha mobilizon shqiptarët e Amerikës: Na ndihmoni të shpëtojmë Shqipërinë

19:15 BOTA

Zgjedhje që mund të ndryshojnë politikën gjermane, AfD fiton bindshëm në Saksoni-Anhalt

18:38 POLITIKË

Sot dita e 99-të e revoltës/ Protuestuesit kërkojnë largimin e Kastës politike, të martën pritet rrethimi i Parlamentit

18:24 AKTUALITET

Zjarr në Sukth, flakët rrezikojnë banesat

17:48 BOTA

Përfundon raundi i parë i bisedimeve Zelensky-Witkoff-Kushner

17:33 SPORT

Rinovimi i “mbush kuletën” Luis Enriques, bëhet ndër trajnerët më të paguar në botë

17:03 AKTUALITET

“Më thirri për të prodhuar skandalin”, Luan Muça rrëfen versionin e tij për përplasjen me Bedinajn: Shkova për t’u sqaruar, më pritën të armatosur

16:39 FJALEKRYQI

Skemë kampionësh 6 shtator

16:38 SHOWBIZ

Aktori i serialit Ezel gjendet pa shenja jete në apartamentin e tij në Stamboll

16:30 BOTA

Shpërthen zjarri në një sallë dasmash në Kongo, 22 persona humbin jetën

16:22 SPORT

Infantino nuk lëshon fronin, nis luftën për një tjetër mandat në FIFA

16:13 BOTA

Zgjedhjet në lindje të Gjermanisë mund të sjellin në pushtet guvernatorin e parë nga AfD-ja

Dua të lexoj më shumë lajme