Mbrëmë kisha frikë

3 Mars 2023, 12:06 / IDE NGA ELMA DORESI

Mbrëmë kisha frikë
Erdha në lagje, parkova dhe ...nuk po dilja nga makina. Në lagje ishte qetësi, të gjithë ishin brënda.

Mora telefonin dhe i bej një telefonatë familjes. "Jam në makinë dhe s'di por paskam frikë të dal".

- Hajde lartë se e kapën kriminelin.

U lehtësova.

Fakti që një kriminel por sillej përreth në Tiranë dhe kishte vrarë tre vajza të moshave 30-31 vjece dhe kishte plagosur edhe tre të tjera më krijoi ankth.

Jeta është bërë e pasigurtë.

Unë nuk jam juriste dhe nuk i njoh ligjet.

Krimineli psikopat lexova se përpara disa vitesh kishte vrarë gruan 22 vjecare, përdhunuar kunatën dhe marr peng nënën e tyre. Me të drejtë më lind pyetja: A nuk ka mjaftuar për ta burgosur përjetë?!

Mesa duket jo.

Atëhere më lind një tjetër pyetje: A ka psikolog apo psikiatër kur dikush me këtë të shkuar përpara se t'a lirojnë ti bëjnë një vizitë për të parë nëse ky njeri e meriton lirinë dhe nëse ka reflektuar mbi cfare ka bërë?! Se di!

Kam një sygjerim: Mos hidhni para nëpër shoqata me protesta. Neve nuk jemi popull që komunikojmë.

Hidhni para dhe ndërtoni qëndra psikiatrie dhe mbyllini këta njerëz të rrezikshëm për shoqërinë aty mqs dënimin e vdekjes nuk e ktheni dot. Ose lërini kështu sic janë dhe presim në vazhdim humbje jetësh sërish.