AlfaPena/ Njihuni dhe shijoni ciklin poetik nga Klejda Plangarica!

AlfaPena është nisma më e re në Alfapress.al, dhe ka si qëllim të promovojë letërsinë e mirë shqipe të çdo poeti dhe shkrimtari.

Klejda Plangarica sjell për AlfaPena ciklin poetik të freskët dhe të pabotuar:

E VJETRA DASHURI E RE

E vjetra dashuri e re!
E ikura edhe pa qenë Ikje...
Dëborë e heshtur - pa qenë acar,
e urta - mbi llavë të ndezur,
shtruar durueshëm vit pas viti.
E fshehura - edhe pa qenë mëkat!

Gjithmonë Kthim edhe kur humbej,
çdoherë Prani edhe pa qenë prani!
(Dekadë e dytë nisi flatrimin,
dëborë e re shtrohet përmbi...)

E vjetra dashuri e re!
Të qelqtë të dija - prandaj të krisa,
të fluturimtë - t'i shprisha flatrat.
Flokë-flokë të hidhja si gjurmë pas viteve
që kthim të ishe!

Nëse qiellon edhe pa flatra,
nëse në krisje ngjitesh prapë,
nëse dhe prekja nuk të tret,
prej ç'lënde je:
- E vjetra dashuri e re?!

KURRË LUMË

Asnjëherë nuk jam kredhur në një lumë
Jo se ka munguar lumi - As ura!

Jam ulur shpesh brigjeve në soditje,
Me maja gishtash gurë zalli kam puthur
E majë gishtash jam rrëqethur ujit-acar,
Kam lëshuar gjethet si varka në ikje
Ngaherë të ngarkuara përplot me ngasje
E kurrë s'jam kredhur pas tyre në ndjekje...
Kohën kam pritur të rrjedhë mbi urë,
Druajtur prej shtjellash, fundosjesh të thella...

Një varkë që ikën - një vragë mbi trup!
E rrjedhtë koha, e tkurrur unë...
Kurrë shtjellë s'u bëra - kurrë lumë!

GATITU

Hej, këtu jam!
Gatitu!
Në pritje të atij ojniku*
Që zbret një çast mes zhegu
Dhe lë si vragë nga pas
Një mungesë të gjatë sa një breg...

Hej!
Duku, pra!
A është ngricë a zheg?
Prej kur u fanite
S'e kuptoj më dritën,
Prej dielli është, a prej bore?

Hej, vego pra!
Derdhe atë baticë fryme,
Atë lëngështim prej drite…
Vërshimin të më mbështjellë pres.
Gishtat e tu prej ojniku
Ta hedhin reve të okërta
Këtë balonë që dergjet në breg...

*Ojnik - Erë e lehtë deti, puhi deti.

(Shkurt, 2022)

FLUTURAK

I vetëtimtë je!
Vijëzon EKG-në e qiellit
Dhe mugëtirës - një fill shkëndijash hedh.
Unë
Verbas
Pres gjëmimin...

(Janar, 2022)

NE – TË MIRËT

Kur u bëra kaq e ligë vallë,
Sa t’mos këqyr një ylber të ngrirë
Që lidh dy retë e tua të përsiatjeve,
Atë të ngasjes dhe të mosardhjes
Dhe mallit që sinor ka frikën?!

Kur u bëre kaq i lig vallë,
Sa më vërtit si fugë mes një loje
Që e tërheq dhe spraps sipas trilleve,
Kur fluturimin ndal e m'i cik rrezet,
Në ndezje - fikesh, në fikje - ndizesh?!

Kur u bëmë kaq të ligj vallë,
Ne - të mirët, që i druhemi dritës?!

(Korrik, 2021)

*Të gjitha të drejtat e autorit janë të rezervuara nga Alfapress.al

Po ndodh...

00:00 Fjalëkryq

Skemë e lirë 18 dhjetor

23:31 POLITIKË

SPAK kërkon arrestimin e Ballukut! Shehaj thërret protestë të premten, në orën që Kuvendi shqyrton imunitetin e zv/kryeministres

23:20 SPORT

Manchester City bën detyrën në Carabao Cup, mund me lehtësi Brentfordin

23:09 KOSOVA

Osmani: Kosovës në fund të janarit i hiqen të gjitha masat

22:57 AKTUALITET

Itali/ Shoferi shqiptar i kamionit humb jetën gjatë punës në portin e Triestes

22:52 POLITIKË

“Doktorin e kanë dezinformuar”, Pjetri: PD nuk ka luksin e luftës së brendshme, duhet të dëgjohen votuesit

22:45 BOTA

Shpërthen keq epidemia e gripit në Francë, spitalet plot

22:35 AKTUALITET

Pas dosjes në SPAK “Shushunjat” e Bankers fillojnë flluskën, xhirojnë miliona euro dhe s’paguajnë punëtorët!

22:19 POLITIKË

Gazetari Poli Hoxha: Opozita duhet të protestojë për të mbrojtur drejtësinë

22:15 POLITIKË

“Me fshesën te partia po i del dyshemeja”, Ndoka: Lidershipi i PD nuk e ka të qartë realitetin në terren

22:12 POLITIKË

“Familja Rama është në dy çështje të rëndësishme”, Prençi: Bashkëshortja e kryeministrit del në rastin e AKSHI-t disa herë

22:00 POLITIKË

Dokumenti i miratuar në Këshillin Kombëtar, Gent Gaba: Luftë e brendshme e PD-së

21:56 POLITIKË

Protesta e 22 Dhjetorit, Adriana Kalaja: Paradë e radhës e Partisë Demokratike

21:54 POLITIKË

Skandali me tenderat në AKSH/ Gazetarja: Deri në fund të dhjetorit, Rama thirret në SPAK si person në dijeni

Dua të lexoj më shumë lajme