Lajme flash
Sporti shqiptar në zi, ndahet nga jeta kampioni i mundjes
3 Janar 2025, 16:02 / JETË
Një lajm i trishtë vjen nga sporti shqiptar, pasi është ndarë nga jeta kampioni i mundjes Kujtim Nina. Ai ka mbyllur sytë përgjithmonë në moshën 62-vjeçare.
Lajmin për ndarjen nga jeta të Kujtim Ninas e ka bërë me dije vetë Federata Shqiptare e Mundjes, teksa i shpreh ngushëllime familjarëve të tij.
“Me shumë dhimbje dhe pikëllim, njoftojmë ndarjen nga jeta të Kujtim Ninas (Gut Lala), një figurë e shquar e mundjes dhe një humbje e madhe për sportin shqiptar. Kujtimi ishte një nga kampionët më të nderuar të mundjes, i cili la një trashëgimi të paharrueshme dhe kontribuoi ndjeshëm në zhvillimin e këtij sporti.
Ai u nderua me medaljen “Nderi i mundjes së Gollobordës” dhe ka qenë pjesë e ekipeve më të njohura të mundjes, si “17 Nëntori”, “Tomorri” dhe “Dajti”. Pjesëmarrës aktiv në vitet ‘70-‘80 dhe kampion kombëtar në vitin 1979 në kategorinë 82-90 kg, Kujtimi gjithashtu ka dhënë një kontribut të rëndësishëm në administrimin e mundjes, si anëtar i Kryesisë së Shoqatës Kombëtare të Mundjes Shqiptare.
Kjo humbje është një goditje e rëndë për sportin e mundjes, i cili ka humbur një të dashur dhe të përkushtuar. Kujtimi do të mbetet gjithmonë një frymëzim për të gjithë ata që e deshën mundjen dhe e ndihmuan atë të rritej.
Ngushëllime të sinqerta për familjen dhe të afërmit!”, shkruhet në njoftimin e Federatës.
Po ndodh...
Donald J. Trump, një rrugëtim i pazakontë drejt presidencës
Nga Tina Trinh
ide
Donald Trump do të pushtojë planetin Mars
Nga Erl Kodra
Që partitë e reja të mos jenë imitime të zbehta të atyre të vjetra
Nga Namir Lapardhaja
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128