Certifikohet pjesëmarrja e Listës Serbe në zgjedhjet e 28 dhjetorit në Kosovë

Paneli Zgjedhor për Ankesa dhe Parashtresa (PZAP) ka ndryshuar vendimin e Komisionit Qendror të Zgjedhjeve (KQZ), duke certifikuar pjesëmarrjen e Listës Serbe në zgjedhjet e parakohshme parlamentare që do të mbahen më 28 dhjetor 2025 në Kosovë.

Vendimi i PZAP-së u publikua sot, pas ankesës së paraqitur nga Lista Serbe, partia më e madhe që përfaqëson komunitetin serb në Kosovë, e cila ishte përjashtuar nga gara më 2 dhjetor me vendim të KQZ-së.

Në arsyetimin e saj, PZAP-ja thekson se vendimi i KQZ-së ka qenë i paligjshëm dhe jokushtetues, duke shkelur disa nene të Kushtetutës dhe Ligjit për Zgjedhjet e Përgjithshme.

“Vendimi i KQZ-së është në kundërshtim me nenet 31 dhe 45 të Kushtetutës, si dhe me nenet 16, 17, 26, 27 dhe 30 të Ligjit për Zgjedhjet e Përgjithshme. Urdhërohet KQZ-ja ta konfirmojë subjektin politik Lista Serbe në përputhje me ligjin,” – thuhet në dokumentin zyrtar të PZAP-së.

Ky është rasti i tretë radhazi ku PZAP i jep të drejtë Listës Serbe pas refuzimit të certifikimit nga KQZ-ja. Situata e ngjashme kishte ndodhur edhe gjatë zgjedhjeve parlamentare të 9 shkurtit dhe atyre lokale të 12 tetorit, ku PZAP ndërhyri duke lejuar pjesëmarrjen e këtij subjekti politik.

Në mbledhjen e së martës, dy anëtarë të Lëvizjes Vetëvendosje kishin kundërshtuar certifikimin e Listës Serbe, ndërsa kryesuesi Kreshnik Radoniqi dhe anëtarja serbe e KQZ-së kishin votuar pro. Shtatë anëtarët e tjerë zgjodhën të abstenonin, duke lënë në fuqi refuzimin – deri në ndërhyrjen e sotme të PZAP-së.

Me këtë vendim, Lista Serbe do të jetë pjesë e garës për zgjedhjet e parakohshme të 28 dhjetorit, që konsiderohen kyçe për përfaqësimin politik të komuniteteve në veri të Kosovës.

Po ndodh...

17:09 BOTA

Kremlini: Rusia do të vijojë luftën nëse Ukraina refuzon kushtet për paqen

16:58 AKTUALITET

Trafik droge dhe grup kriminal/ GJKKO jep dënimet, 32 vite burg për katër anëtarët e grupit Habilaj

16:43 AKTUALITET

E pazakontë/ 72-vjeçari helmon kullotat pas konfliktit të pronësisë, ngordhin 12 bagëtitë e bashkëfshatarit!

16:33 POLITIKË

“Seancat po shtyhen për shkak të mbrojtjes”/ SPAK sqarim mbi çështjen Veliaj: Aktet i janë dorëzuar plotësisht të pandehurit

16:20 AKTUALITET

Vrasja e 14-vjeçarit në Maliq, flet babai i viktimës: Jemi të shkatërruar! Nuk e kuptojmë si u liruan familjarët që ndihmuan autorin

16:09 MISTERE&KURIOZITETE

Njihuni me 8 ushqimet dhe pijet që përmirësojnë cilësinë e gjumit!

16:05 AKTUALITET

Vrasja e Mondi Mëhallës, caktohet data për masën e sigurisë ndaj Nevzat Spahos

16:02 Fjalëkryq

Skemë kampionësh 5 dhjetor

15:51 BOTA

Suedia planifikon të shkurtojë ndihmat në pesë shtete, fondet do të dërgohen për Ukrainën

15:46 POLITIKË

Seanca në GJKKO, Ilir Meta kërkesë gjykatës: Dua të njihem me fashikullin e hetimit

15:30 SPORT

Zyrtare, lojtari rinovon me Barcelonën, vjen firma

15:20 AKTUALITET

Milaim Zeka paraqitet në Prokurorinë e Posaçme

15:19 POLITIKË

“Mos e kruaj shumë…”, Monika Kryemadhi batuta me Jul Dedën para SPAK: Për çfarë ke ardhur? Aktori: Më thirrën dhe mua për Ilirin…

15:08 Fjalëkryq

Skemë kinofjalëkryq 5 dhjetor

Dua të lexoj më shumë lajme