Deklarata e Macron për avionët në Ukrainë, Kremlini: Absurde, furnizimi i Kievit me armë do sjellë përshkallëzim

1 Shkurt 2023, 19:20 / KOSOVA ALFA PRESS

Deklarata e Macron për avionët në Ukrainë, Kremlini:

Zëdhënësja e Ministrisë së Jashtme ruse, Maria Zakharova është shprehur se deklarata e presidentit francez, Emmanuel Macron se dërgimi i mundshëm i avionëve ushtarakë në Ukrainë nuk do të çojë në një përshkallëzim të konfliktit, është diçka absurde.


“72 mijë dollarë kush shkatërron tanket e Perëndimit”, Moska tenton të joshë ushtarët pas dërgimit të “Leopard 2”
Kërkesa e Ukrainës për avionë, Gjermania: Është një hap shumë i madh që aleatët nuk mund ta ndërmarrin

“Ne i kemi kushtuar vëmendje fjalëve të presidentit francez , i cili, duke iu përgjigjur një pyetjeje në lidhje me furnizimin e mundshëm të avionëve në Ukrainë, tha: “Asgjë nuk është e ndaluar në parim, me kusht që të jetë e dobishme, veçanërisht, për forcat e armatosura të Ukrainës, nuk do të çojë në një përshkallëzim të konfliktit dhe goditje në territorin rus, nuk do të dobësojë aftësinë mbrojtëse të vetë Francës.’ Më falni, por është një lloj absurditeti,” tha Zakharova.

Ajo shtoi se presidenti francez nuk duhet të jetë i sigurt se kjo nuk do ta përshkallëzonte luftën, teksa shtoi se arsyetimi i Macron ishte si ai i një fëmije.

“A është vërtet i sigurt presidenti francez se furnizimi i regjimit të Kievit me armë, armë të rënda dhe avionë për operacione luftarake nuk do ta përshkallëzojë situatën? Unë refuzoj të besoj se një i rritur mund të ketë një logjikë të tillë,” shtoi ajo.

Zakharova theksoi se Rusia dënon fuqishëm “retorikën gjithnjë e më agresive dhe luftarake të zyrtarëve perëndimorë, të cilët nuk kanë turp të bëjnë deklarata me zë të lartë për konfliktin ukrainas”.