English
Luaj me Fjalëkryq
Lajme flash

Isa Mustafa: Nëse nuk integrohen serbët në institucione, rrezikojnë të organizohen si në Banjska, jo vetëm në veri

25 Mars 2025, 22:33 / KOSOVA ALFA PRESS

Isa Mustafa: Nëse nuk integrohen serbët në institucione,

Derisa Kosova po has në vështirësi për t’u konsoliduar dhe për t’iu dhënë epilog problematikave që i ka barrë mbi shpinë, sikurse ajo e dialogut me Serbinë,  paralajmërimet për rreziqet e sigurisë që mund të cenojnë shtetin nuk mungojnë.

Historiani Oliver Schmit në një intervistë të para pak kohe, ka thënë se Kosova është një nga shtetet më të rrezikuara.

Akademiku Isa Mustafa në një intervistë për Gazetën Exprsss thotë se për sa kohë NATO është në Kosovë përmes ushtarëve të KFOR-it e veçanërisht me ushtarët amerikanë, s’ka rrezik nga Serbia.

Duke folur për serbët e Kosovës, Mustafa thotë se nëse ata s’do të integrohen në institucione te Kosovës, duhet të llogaritet rreziku permanent nga organizimi i tyre në Veri të vendit, njëjtë sikur ka ndodhur në Banjska, me përkrahje dhe shtytje të Serbisë.

“Mirëpo, nëse nuk arrijmë që serbët ti integrojmë në institucione, duhet të llogaritet në rrezikun permanent nga organizimi i tyre në veri të vendit dhe jo vetëm në veri, ashtu siç ndodhi në Banjska, me përkrahje dhe shtytje të Serbisë.

Serbet duhet ti pranojnë institucionet e Kosovës si të tyre dhe jo vetëm të jenë formalisht në Parlament, në Qeveri dhe në krye të një numri të madh të komunave e realisht të diktohen nga qeveria serbe”, ka thënë Isa Mustafa për Gazetën Express.

Rrezik tjetër me peshë të rëndë që mund t’i kanoset në të ardhmen Kosovës, sipas Mustafës, është edhe tërheqja e trupave amerikane nga Kosova. Ai thotë se për këtë ka pasur paralajmërime që nga viti 2020, nëse Kosova s’tregon interes për paqe e stabilitet.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128