Lajme flash
Kosovë/ Ekipi i FSK-së shkon në Gaza për të inspektuar zonën ku do të veprojë
26 Prill 2026, 21:21 / KOSOVA
Forca e Sigurisë së Kosovës (FSK) ka dërguar një ekip në Gaza me qëllim realizimin e rikonicionit të zonës ku pritet të operojnë trupat e saj në kuadër të një misioni paqeruajtës ndërkombëtar.
Sipas FSK-së, komandanti i saj, Gjenerallejtënant Bashkim Jashari, ka autorizuar këtë vizitë për të bërë vlerësimin paraprak dhe për të koordinuar aktivitetet e dislokimit të kontingjentit të FSK-së në kuadër të Forcave Stabilizuese Ndërkombëtare (ISF) në Gaza.
“Gjatë kësaj vizite ekipi do të bëjë vlerësimin paraprak dhe koordinimin e aktivititeteve të dislokimit për kontigjentin e FSK-së, që do të operojë në kuadër të misionit paqeruajtës të Forcave Stabilizuese Ndërkombëtare (ISF) në Gaza.
Gjatë kësaj vizite, delegacioni ka zhvilluar një sërë takimesh dhe diskutimesh me autoritete nacionale për administrimin e Gazës dhe ekipet përkatëse, si dhe me përfaqësues të Qendrës Koordinuese Civilo-Ushtarake (CMCC), e cila operon nën mbikëqyrjen e Bordit të Paqes, në përputhje me Rezolutën 2803 të OKB-së. Gjatë këtyre takimeve është diskutuar rreth procesit të integrimit të kontingjentit të FSK-së, zhvillimit të operacioneve të përbashkëta, si dhe koordinimit të mbështetjes logjistike”, thuhet në komunikatë.
FSK thekson se mbetet e përkushtuar për të kontribuar në paqe dhe stabilitet global, në bashkëpunim me partnerët ndërkombëtarë, përfshirë Shtetet e Bashkuara të Amerikës, duke vepruar sipas standardeve ndërkombëtare të misioneve paqeruajtëse.
Po ndodh...
Berisha dhe vogëlsia e një kryetari, përballë modelit Abdixhiku
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128