English
Luaj me Fjalëkryq
Lajme flash

U bë viral në rrjetet sociale pasi u akuzua nga 27 studentë për ngacmim seksual, Prokuroria nis hetimet për profesorin

18 Qershor 2024, 17:31 / KOSOVA ALFA PRESS

U bë viral në rrjetet sociale pasi u akuzua nga 27 studentë
Prokuroria Themelore në Prishtinë ka marrë aktvendim për fillimin e hetimeve ndaj profesorit Xhevat Krasniqi, për ngacmim seksual.

Lajmin e ka konfirmuar zëdhënësja e Prokurorisë në Prishtinë, Laureta Ulaj.

“Ju njoftojmë se Prokuroria Themelore në Prishtinë ka pranuar kallëzim penal ndaj çështjes në fjalë. Prokurori i Shtetit ka marrë aktvendim për fillim të hetimeve ndaj Xh. K. Kjo çështje penale është duke u trajtuar në pajtim me dispozitat ligjore të KPPRK-së”, tha Ulaj.

Xhevat Krasniqi është pezulluar nga puna më 23 prill pasi ishte denoncuar nga 27 studente për ngacmim seksual.

“Mbi bazën e vendimit të Këshillit të Etikës dhe rekomandimit drejtuar Rektoratit, Rektori i UP-së mori vendim për pezullimin nga puna të Prof. Xh.K., me efekt të menjëhershëm, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit”, thuhej në komunikatën e Rekoratit të UP-së.

Në denoncimet e studentëve përmendet se profesori ka lëshuar barcoleta të natyrës seksuale, ka komentuar dukjen e studentëve dhe ka bërë pyetje provokuese në drejtim të studenteve.

“Në konsultime të afatit të Janarit 2023 une … kam hyrë të konsultohem me profin në fjalë dhe për të shikuar se ku mi ka hequr 0.05 pikë nga provimi, e leje që përgjigjen që deshta nuk e mora por dola e tronditur nga ajo zyre me një përgjigje aspak adekuate, morale dhe jo profesionale. e këtu po i citoj fjalët e tij …, une jam i drejtë në vlerësim, e kështu jam i drejtë…kurt dush tboj masazh” i cili ma ka demonstruar me duar fjalën “masazh” edhe është afruar për të më përqafuar”, thuhet në njërën nga ankesat e studenteve.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128