Zelensky reagon ashpër pas komenteve për kundërofensivën: Ky nuk është një film!

2 Qershor 2023, 18:18 / KOSOVA ALFA PRESS

Zelensky reagon ashpër pas komenteve për kundërofensivën: Ky

Presidenti Volodymyr Zelensky është përgjigjur ashpër sa i përket pyetjeve të shumta se kur mund të fillojë kundërofensiva e shumëpritur ukrainase.

“Ky nuk është një film”- tha Zelensky, çka nënkupton se duhet të përputhen të gjithë faktorët para se të nis kundërsulmi i shumëpritur ukrainas – i cili duket se po merr formë.

Duke folur në një konferencë të përbashkët shtypi me presidentin estonez Alar Karis sot në Kiev, udhëheqësi ukrainas tha: “Ky nuk është një film. Është e vështirë për mua të them se si do ta shihni kundërsulmin.”

Zelensky tha se “gjëja kryesore” me kundërsulmin është se “Rusia jo vetëm që e sheh atë, por edhe e ndjen atë. Sidomos po flasim për ato trupa që kanë pushtuar territorin tonë.”

“De-okupimi i territoreve tona është qëllimi i kundërofensive”- tha ai.

Sulmet ruse ndaj Kievit dhe objektivave të tjera në Ukrainë janë shtuar gjatë muajit të kaluar teksa afrohet kundërofensiva.

 

ide

receta Alfa

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128