Lajme flash
Lionel Richie përfundon në spital pas koncertit/ Dyshohet se gjendja lidhet me...
31 August 2026, 23:48 / SHOWBIZ
Lionel Richie ka përfunduar në spital në St. Louis, Missouri, pasi u ndje keq pas një koncerti që mbajti të shtunën mbrëma.
Këngëtari 77-vjeçar u paraqit vetë në spital pas performancës së tij në The Muny, në Forest Park, për t’iu nënshtruar disa kontrolleve mjekësore, raportoi TMZ. Sipas raportimeve, Richie është trajtuar në repartin e kujdesit intensiv.
Richie vazhdonte të ishte i shtruar në spital të hënën pasdite, ndërsa pritej të lirohej të martën, sipas të njëjtit burim.
Burime pranë këngëtarit kanë bërë të ditur se ai shkoi në spital si masë paraprake, ndërsa mjekët dyshohet se po shqyrtonin mundësinë që gjendja e tij të lidhej me dehidratimin.
Deri tani nuk janë bërë të ditura detaje të tjera rreth gjendjes së tij shëndetësore dhe nuk është raportuar për ndonjë diagnozë serioze.
Ky është shqetësimi i dytë për shëndetin e Lionel Richie-t brenda pak muajsh.
Vetëm dy muaj më parë, këngëtari alarmoi fansat pasi u detyrua të ndërpriste para kohe një koncert në St. Paul, Minnesota, pasi u ndje keq gjatë performancës në skenë.
Richie, i cili vazhdon të jetë aktiv në skenë edhe në moshën 77-vjeçare, këtë herë kërkoi vetë ndihmë mjekësore pas përfundimit të koncertit.
Fansat tashmë presin më shumë informacion mbi gjendjen e tij, ndërsa shpresohet që këngëtari të rikuperohet shpejt dhe të rikthehet në skenë.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128