Ngjarja në Vaun e Dejës/ Ambulanca jashtë funksionit, QKUM pranon vonesën prej 1 orë e 40 minutash

Dy persona humbën jetën më 29 gusht në Vaun e Dejës, pasi u goditën nga rryma elektrike, ndërsa sqarimi i Qendrës Kombëtare të Urgjencës Mjekësore pranon skandalin se qendra spitalore në Vaun e Dejës nuk ka autoambulancë dhe vonesat e autoambulancave nga Shkodra.

Sipas QKUM, në ngjarjen tragjike janë regjistruar dy raste të veçanta. Viktima e parë u godit nga rryma elektrike dhe, në momentin e ngjarjes, në vendngjarje ndodhej një infermiere e zonës, e cila kishte nisur menjëherë manovrat e reanimimit.

Në njoftimin e bërë publik nga QKUM pranohet vonesa prej 1 ore e 40 minuta e autoambulancës së nisur nga Shkodra, për ugjencën e parë.

Reagimi i QKUM:

Në lidhje me ngjarjen tragjike të datës 29 gusht 2026 në Vaun e Dejës, Qendra Kombëtare e Urgjencës Mjekësore (QKUM), në funksion të transparencës dhe informimit të saktë të publikut, sqaron dinamikën e ndërhyrjes së shërbimit të urgjencës mjekësore.

Në këtë ngjarje janë regjistruar dy raste të veçanta, të dyja si pasojë e goditjes nga rryma elektrike, të ndodhura në momente të ndryshme.

Rasti i parë është raportuar si urgjencë për goditje elektrike. Në vendngjarje ndodhej një infermiere e zonës, e cila kishte nisur menjëherë manovrat e reanimimit kardiopulmonar, pa mundur të rikthente qarkullimin spontan.

Sipas të dhënave të regjistruara në sistemin e urgjencës, thirrja është marrë në orën 18:03. Në atë moment, ambulanca e Vaut të Dejës ndodhej jashtë funksionit për shkak të një defekti teknik. Për këtë arsye, drejt vendngjarjes është nisur ambulanca nga Spitali i Shkodrës, e cila ka mbërritur në orën 19:44.

Manovrat e reanimimit janë vijuar edhe gjatë transportit drejt Spitalit të Shkodrës. Pavarësisht përpjekjeve të personelit shëndetësor, nuk u arrit rikthimi i qarkullimit spontan dhe pacienti humbi jetën.

Rasti i dytë i përkiste elektricistit, i cili, disa minuta më vonë, kishte shkuar në vendngjarje për të ndërhyrë në problemin elektrik. Gjatë ndërhyrjes, edhe ai u godit nga rryma elektrike dhe humbi jetën.

Për këtë rast, kërkesa për ndihmë mjekësore është regjistruar në orën 18:53. Në vlerësimin fillestar, personi rezultonte pa shenja jete. Në këtë moment, ambulanca e dytë nga Shkodra është nisur drejt vendngjarjes dhe ka mbërritur në orën 19:54. Rasti është konstatuar dhe referuar si Kod i Zi në vendngjarje.

Goditja elektrike përbën një urgjencë mjekësore me rrezik shumë të lartë për jetën dhe, në rastet e rënda, mund të shkaktojë arrest kardiak dhe vdekje të menjëhershme.

Mbi çdo sqarim institucional, kjo mbetet para së gjithash një ngjarje tragjike, e cila solli humbjen e dy jetëve njerëzore.

Qendra Kombëtare e Urgjencës Mjekësore shpreh keqardhjen e thellë për këtë humbje dhe u përcjell ngushëllimet më të sinqerta familjeve dhe të afërmve të dy viktimave. Në këto momente të vështira, QKUM bashkohet me dhimbjen e familjeve për humbjen e njerëzve të tyre të dashur.

QENDRA KOMBËTARE E URGJENCËS MJEKËSORE

Po ndodh...

00:10 FJALEKRYQI

Skemë e lirë 2 shtator

23:27 POLITIKË

Tensione dhe përplasje me policinë te komisariati nr. 3, një qytetare ndjehet keq

23:10 POLITIKË

Tensionet te komisariati 3, shoqërohen disa persona të tjerë. Mes tyre edhe aktivisti, Arben Kola

22:45 POLITIKË

“Shqipëria po bën revolucion”/ Marshimi në rrugët e Tiranës, protestuesit thirrje: Lironi çunat, lironi gocat! Nuk jeni vetëm

22:39 SPORT

Juventus përforcon sulmin, vjen Woltemade

22:17 POLITIKË

Rreth 2 orë i bllokuar nga protestuesit në Kryeministri, Rama largohet nga zyra nën masa të rrepta sigurie

22:08 SPORT

Antonela Roccuzzo i dedikon mesazh emocionues burrit të saj, Leo Messi, pas lamtumirës nga Argjentina

21:51 POLITIKË

Pasi bllokuan hyrjet e Kryeministrisë në ditën e 94 të revoltës, protestuesit nisin marshimin në rrugët e Tiranës

21:49 AKTUALITET

Karamuço: Në sistemin TIMS, Ergys Agasi figuronte jashtë Shqipërisë

21:35 POLITIKË

Shoqërohen në komisariat Dritan Goxhaj, aktivistja Arvina Lleshi dhe protestues të tjerë

21:17 POLITIKË

Përplasje mes policisë dhe protestuesve, shoqërohet një person

20:55 POLITIKË

Tensione para Kryeministrisë/ Përplasje me policinë, qytetarët rezistencë: Arrestoni Ramën! Hidhet ujë në drejtim të protestuesve

20:42 POLITIKË

Prej 30 minutash hyrjet e Kryeministrisë të bllokuara, pas policisë e FNSH, mbërrin autoboti i ujit

20:31 POLITIKË

Tensione para Kryeministrisë, policia përplaset me protestuesit, tenton t’i largojë duke i shtyrë

Dua të lexoj më shumë lajme