Lajme flash
Çfarë nuk u tha nga takimi i Berishës me misionin e PPE, në selinë e PD
26 Shkurt 2026, 13:18 / POLITIKË
- Z. Berisha në partitë tona statuti është si kushtetuta dhe respektimi i saj është detyrim jo zgjedhje. Statuti garanton demokratizimin e partisë. Nëse ne japim shembullin që nuk respektojmë statutit në parti, çfarë garancish ofrojmë te militantët dhe publiku i gjërë që do të respektojmë ligjet nesër kur të vijmë në pushtet. Kështu që duhet të dorëhiqesh.
Z. Berisha ne te partitë tona pas çdo zgjedhje bëjmë bilancin dhe analiza për të kuptuar ku gabuam jo më në rastet kur rezultatet janë shumë larg pritshmërive siç ishte rasti juaj në zgjedhjet e 11 majit. Lidërshipi siç ka privilegjet mban edhe përgjegjësinë në rast bilenci negativ. Te partitë tona bëhet rinovimi i elitave duke iu dhënë mundësi të tjerëve të ofrojnë energji dhe ide të reja. Kështu që pa humbur kohë i gjithë lidërshipi duhet të rinovohet, që të gjenerohen energji të reja në parti.
Z.Berisha sistemi zgjedhor që kemi ne pak a shumë si ky i juaji që keni ju proporcional rajonal, dikton strategji taktike për të akumuluar votat. Sa më shumë parti në koalicion apo lista të përbashkëta aq më shumë maksimizohet vota. E kuptojmë që disa parti kanë dalë nga PD për arsye që lidhen me ju, por në politikë më shumë rëndësi ka produkti elektoral sesa sedra apo demostrimi i inateve personale. Nëse vota shpërndahet në shumë parti apo individ, ajo nuk arrin të prodhoj mandat dhe shkon dëm.
Z.Berisha strategjia e dhunës në protesta te ne ka kohë që nuk pi ujë. Ajo përdoret zakonisht nga lëvizje anarkiste, apo lëvizje sociale me orientim të majtë. Ju e dini, e djathta nuk e ka në traditën e saj ardhjen në pushtet me revolucion. Plus që ju u duhet të përdorni instrumenta që të zgjeroni bazën e mbështetjes jo ta kufizoni te militantët fanatik, pasi këta të fundit edhe nëse nuk dilni në protest do ju votojnë.
Z. Berisha në kontekstin global ku jemi futur izolimi qoftë edhe i padrejtë siç është rasti juaj, kthehet në kosto për partinë që drejtoni. Partneriteti me ndërkombëtarët shpesh është edhe aspekt legjitimiteti dhe mbështetje. Aq më shumë vende si ju që e kanë shumë të ulët shkallën e euroskepticizmin krahasuar me vendet nga vijmë ne. Kostoja juaj është edhe kosto e partisë.
Z. Berisha e fundit po jo më pak e rendësishme; strategjia e akuzës ndaj qeverisë është e nevojshme aq më shumë me këtë kundërshtar të mbaruar që keni ju përball por s'mund të jetë qëllim më vete. Ne i japim një rendësi shumë të madhe në strategjinë e komunikimit prezantimin e alternativës qeverisëse. Elektorati gri i së djathtës, abstenuesit, i zhgënjyeri i së majtës duhet të kuptoj dhe të besoj pse do të jetë nesër ndryshe ekonomia, arsimi, shendetësia, turizmi, siguria apo administrata e vendit.
Z.Berisha ne shpesh organizojmë sondazhe por edhe iu referohemi sondazheve që behen publike për të korrigjuar veten apo ideuar ide të reja që i përgjigjen intetesit të grupeve të ndryshme sociale. Nuk ecet në politikë me intuitë apo bindje personale.
- Tani mbaruat ju se unë siç e patë mbajta shënime. Meqë u fikën kamerat po u them që këto që thatë ju, unë i di më mirë se ju pasi mosha mesatare e juaja është sa vite eksperiencë kam unë në politikë. Unë ju ftova të krijoj idenë te demokratët dhe më gjerë që nuk jam i izoluar nga ndërkombëtarët pavarësisht se nuk shkel asnjë zyrtar i lartë i huaj në PD, që kur u shpalla non grada. Nesë do të zbatoj jo të gjtha këto që renditët ju por vetëm një nga pikat, jo vetëm une por edhe këta që janë në sallë duhet të dorëhiqen.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128