English
Luaj me Fjalëkryq
Lajme flash

Gazmend Bardhi ankohet se e kanë hequr nga Whatsapp i PD, Hasa: Mashtron, thjesht nuk je më adninistrator pasi nuk ke më asnjë funksion!

17 Shtator 2023, 18:33 / POLITIKË ALFA PRESS

Gazmend Bardhi ankohet se e kanë hequr nga Whatsapp i PD, Hasa: Mashtron,

Deputeti dhe Sekretari për Organizimin Dixhital të Partisë Demokratike, Endri Hasa, ka reaguar pas një lajmi të qarkulluar në medie ditën e sotme, sipas të cilit Gazmend Bardhi është hequr nga grupet e Whatsapp-it të PD. Hasa shkruan se Bardhi si autor i këtyre lajmeve të reme, vazhdon që të sulmojë për interesa ngushtësisht personale Partinë Demokratike. Më tej ai sqaron se Bardhi thjesht nuk është më administrator i Whatsapp-it të grupit parlamentarë të PD për arsyen e thjeshtë, se ai tashmë nuk ka më asnjë fuksion, as në grupin e deputetëve dhe as në PD.

Reagimi i plotë

Sot nëpër media ka qarkulluar një lajm i rremë i prodhuar nga deputeti Gazment Bardhi. Tashmë është e njohur nga të gjithë përpjekja e tij, që për interesa personale sulmon PD-në, institucionet dhe drejtuesit e saj.

Z. Bardhi nuk është hequr nga asnjë grup whatsapp-i të administruar nga Partia Demokratike.

Ai thjesht nuk është më administrator i grupit të whatsap-it, pasi tashmë ai nuk ka asnjë funksion, as në grupin parlamentar, as në PD.

Drejtimi i Grupit Parlamentar të Partisë Demokratike, në zbatim të statutit, i është deleguar znj. Flutura Açka, e cila koordinon prej ditës së enjte veprimtarinë e grupit.

Këto janë përpjekje qesharake të një njeriu që për interesat e tij personale kërkon të hedhë baltë dhe të dëmtojnë PD-në.

Koha kur PD-ja merrej zvarrë për interesa personale ka marrë fund, tani secili duhet të mbajë përgjegjësi për veprimet e veta dhe për rrugën që ka zgjedhur.

Asnjë flirt, i disa individëve me Berishën apo me Ramën, nuk do të arrijë më, të dëmtojë interesat e PD-së, demokratëve dhe shqiptarëve që presin një alternativë të re, luftën kundër korrupsionit dhe një partneritet të ngushtë me SHBA-në, Britaninë e Madhe dhe BE-në.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128