English
Luaj me Fjalëkryq
Lajme flash

Shtyhet seanca gjyqësore për krahun e djathtë të Ballukut, Evis Berberi

27 Janar 2026, 16:35 / POLITIKË ALFA PRESS

Shtyhet seanca gjyqësore për krahun e djathtë të Ballukut,

Është shtyrë për në datën 9 shkurt seanca gjyqësore në Gjykatën e Posaçme për ish-drejtorin e Autoritetit Rrugor Shqiptar (ARRSH), Evis Berberi.

Berberi, një nga vartësit më të afërt të zv/kryeministres Belinda Balluku, u arrestua më 14 mars 2024 nën akuzat për korrupsion, pastrim parash dhe fshehje pasurie.

Po ashtu, edhe Belinda Balluku është e akuzuar nga SPAK, ndërsa prokuroria ka kërkuar pezullimin e saj nga detyra dhe më pas autorizimin për arrestimin, në kuadër të së njëjtës dosje hetimore.

Sipas Prokurorisë së Posaçme, ish-kreu i ARRSH dyshohet se është i përfshirë në skema korruptive që lidhen me të paktën 8 tendera publikë, me vlerë totale prej miliona eurosh.

Berberi, fillimisht në detyrën e Drejtorit të Agjencisë për Efiçencën e Energjisë, ka zhvilluar tre procedura prokurimi me vlerë rreth 1.2 milionë euro, të cilat janë fituar nga kompania “DAAM”, e drejtuar formalisht nga Valter Begaj, por që sipas hetimeve zotërohej në mënyrë indirekte nga vetë Berberi.

Po ashtu, gjatë periudhës kur Berberi drejtonte ARRSH-në, e njëjta kompani ka përfituar edhe tre tendera të tjerë me vlerë rreth 1 milionë euro.

Hetimet kanë zbuluar se kompania “DAAM” është përdorur si kanal për transferimin e shumave të mëdha monetare nga kompania tjetër “Net Group”, në pronësi të sipërmarrësit Begaj, përmes transaksioneve të ndryshme financiare.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128