Shafrani i Indisë, lulja magjike në kuzhinë

29 Qershor 2022, 07:11 / RECETA ALFA ALFA PRESS

Shafrani i Indisë, lulja magjike në kuzhinë

Shafrani ka hyrë në kuzhinën shqiptare me vonesë, edhe pse kultivimi dhe përdorimi i tij në kuzhinën botërore është mijëravjeçarë. Ai është ndër erëzat më të shtrenjta dhe më të kërkuara jo vetëm për shijen unike por edhe vetitë kurative. Prejardhja e fjalës vjen nga arabishtja dhe ka kuptimin ar dhe i verdhë. Përdorimi i shafranit është me një reze të gjerë. Në kuzhinë, në prodhimin e parfumeve dhe vajrave për kozmetikë, në ngjyrosje por edhe si ilaç për një shëndet sa më të mirë. Sot Alfa sjellë recetën e rizotos milaneze, ku përdorimi i shafrani është element kyç.

Rissoto milanese

Koha e përgatitjes: 30 minuta

Koha e gatimit: 20 minuta

Vështirësia mesatare

Për 4 persona

Përbërësit

320 gr oriz, 50 gr palcë viçi, 80 gr gjalpë, 1 qepë, 100 ml verë të bardhë, 1 l lëng mishi, 1 pako shafran, 60 gr djathë i grirë Parmigiano Reggiano, 5 gr pistil shafrani, kripë & piper sipas dëshirës.

Përgatitja

1.       Hidhni në një tenxhere gjysmën e sasisë së gjalpit dhe qepën e grirë imët.

2.       Tiganisini në temperaturë mesatare. Shtoni orizin dhe tiganiseni për 1 minutë.

3.       Lageni me verën e bardhë, lëreni të avullojë dhe shtoni palcën e copëtuar të viçit.

4.       Shtoni lëngun e mishit pak nga pak me garuzhde. Lëreni të vlojë dhe 5 minuta para se orizi të jetë gati shtoni shafranin, kripën& piperin.

5.       Orizi duhet ta thithë plotësisht lëngun dhe të jetë “al dente”.

6.      Hiqeni nga zjarri dhe i shtoni djathin Parmigiano të grirë dhe gjalpin e mbetur.

Këshilla e shefit

Ø  Kjo pjatë shërbehet si pjatë e parë ose si garniturë me pjatat e mishit.

 

 

Po ndodh...