Cilat janë çiftet e njohura të Showbiz-it shqiptar që u ndanë gjatë 2023-shit?

18 Nëntor 2023, 14:39 / SHOWBIZ ALFA PRESS

Cilat janë çiftet e njohura të Showbiz-it shqiptar që u
Jemi pothuajse në fund të vitit 2023, por ndarjet në showbiz kanë qenë vërtet të shumta.

Jo vetëm nga showbizi i huaj, por edhe ai shqiptar. Çifte shumë të famshëm i kanë dhënë fund lidhjeve të tyre apo martesave dhe Alfapress.al ju sjell më poshtë një listë për t’jua rikujtuar ndarjet e këtij viti.

Beniada Nishani dhe Blerti Hajdari

Cilat janë çiftet e njohura të Showbiz-it shqiptar që u
Prej muajsh modelja Beniada Nishani, ka jetuar një romancë dashurie me Blerti Hajdarin, vëllai i Arbër Hajdarit. Beniada dhe Blerti u njohën dhe dashuruan gjatë emisionit “Procesi Sportiv”, por duket se lidhja nuk ka zgjatur shumë.

Çifti së fundmi u nda dhe Blerti hoqi nga profili foton e vjetër me Beniadën, duke lënë të kuptohet se kjo histori ka marrë fund.

Fero dhe Arbenita

Cilat janë çiftet e njohura të Showbiz-it shqiptar që u
E bujshme ishte dhe ndarja e Feros me Arbenitën, pas denoncimeve të kësaj të fundit për dhunë fizike nga ana e rreperit. Nga ana tjetër Fero i mohoi akuzat dhe tha se do ia lë në dorë drejtësisë për të zbuluar të vërtetën.

Dafina Zeqiri dhe Dj Geek

Cilat janë çiftet e njohura të Showbiz-it shqiptar që u
Dafina Zeqiri dhe Dj Geek bënë bujë gjithashtu me ndarjen e tyre të papritur, në një kohë kur dukej se gjithçka po shkonte mirë për ta si në aspektin personal, edhe atë profesional. Dafinës nuk iu desh shumë kohë për të hapur zemrën dhe për të dashuruar sërish. Në portale qarkullon lajmi se do të martohet vitin tjetër me partnerin aktual, kurse për Dj. Geek nuk dihet asgjë.

Olsi Bylyku dhe Egli Tako

Cilat janë çiftet e njohura të Showbiz-it shqiptar që u
Ndarja e Olsi Bylykut dhe Egli Takos ka qenë një nga më të komentuarat. Fillimisht ndarja e tyre u bë e ditur nga mediet, ndërsa më pas u konfirmua nga vetë dyshja. Olsi dhe Egli kishin një histori të gjatë dashurie që përfundoi për arsye që ende nuk dihen.

Drenusha Latifi dhe Atilla Kardesh

Cilat janë çiftet e njohura të Showbiz-it shqiptar që u
Një tjetër ndarje në showbizin shqiptar është e ish-Miss Kosova, Drenusha Latifi. Mediat raportuan pak javë më parë se Drenusha është ndarë nga burri, biznesmeni Atilla Kardesh me të cilin ishte në një raport prej plot dhjetë vitesh.

Meti Alshiqi dhe Blerta

Një tjetër ish-banor, por këtë herë i Big Brother Albania i dha fund martesës këtë vit. Pak kohë më parë mediat raportuan se Meti Alshiqi është ndarë nga bashkëshortja e tij, Blerta. Meti i ka dhënë fund martesës disa vjeçare, teksa këtë gjë e konfirmon edhe Instagrami i tij, nga ku janë fshirë të gjitha fotografitë e përbashkëta me ish-gruan.

Andi dhe Gresa 

Cilat janë çiftet e njohura të Showbiz-it shqiptar që u
Prej kohësh përflitej për një krizë të mundshme të çiftit që u njoh në Big Brother VIP Kosova, Gresa Hoti dhe Andi Artani. Por u raportua së fundmi se dyshja i kanë ndarë rrugët përfundimisht me njëri-tjetrin, duke i dhënë fund lidhjes së tyre.

Thuhet se pushimet e fundit të Gresës në Ibiza janë bërë “mollë sherri” që çifti në fjalë të ndahen përfundimisht.

Bebe Rexha dhe Keyan Safyari

Cilat janë çiftet e njohura të Showbiz-it shqiptar që u

Këngëtarja shqiptare me famë botërore Bebe Rexha gjithashtu i dha fund lidhjes me regjisorin dhe producentin, Keyan Safyari. Shkak u bë një mesazh i tij lidhur me peshën e saj, gjë që Bebe-s nuk i ka pëlqyer dhe ka kërkuar ndarjen. Keyan Safyari më vonë sqaroi se thjesht ishte treguar i sinqertë me të dhe se kjo nuk ishte arsye e mjaftueshme për t’u ndarë./Alfapress.al

 

Po ndodh...