Endri Çekiçi në rolin e kamarierit, mesfushori shqiptar dhuron asist në Turqi

21 Prill 2024, 21:29 / SPORT ALFA PRESS

Endri Çekiçi në rolin e kamarierit, mesfushori shqiptar
Pendikspor, ekipi ku aktivizohet mesfushori shqiptar, Endri Çekiçi u mposht 4-1 ndaj Galatasaray në Rams Park (Istanbul). Çekiçi dhuroi asistin e golit të vetëm të mysafirëve, në këtë takim. Ai shërbeu mjaft mirë për Ozturk, i cili realizoi golin e nderit.

27-vjeçari Çekiçi po luan sezonin e parë me këtë skuadër, teksa në 21 ndeshje që ka luajtur, numëron një gol dhe asiste. Futbollisti kuqezi ka luajtur më parë Dinamo Zagreb, Lokomotiva Zagreb dhe Konyaspor.