English
Luaj me Fjalëkryq
Lajme flash

EURO 2024/ Anglia synon finalen e dytë radhazi, ja rekordet e gjysmëfinalisteve

9 Korrik 2024, 20:00 / SPORT ALFA PRESS

EURO 2024/ Anglia synon finalen e dytë radhazi, ja rekordet e

Gareth Southgate synon finalen e tij të dytë radhazi të Kampionatit Europian, ndërsa Anglia përgatitet të përballet me Holandën të mërkurën.

“Tre luanët” do të kërkojnë të arrijnë finalen e dytë radhazi të turneut, pasi shkuan atje edhe tre vjet më parë.

Ndërkohë, Holanda tashmë e ka kapërcyer rezultatin e turneut të shkuar, kur u eliminua në 1/8-at nga Çekia. Nëse Anglia mund skuadrën e Ronald Kumanit të mërkurën, ata do të përballen me Francën ose Spanjën në finalen e Berlinit në 14 korrik.

Edhe Franca ka shijuar një seri fantastike rezultatesh në turnetë e mëdha vitet e fundit. “Les Bleus” humbën për pak titullin e Kupës së Botës në 2022, pasi u mundën me penallti nga nga Argjentina në finale.

Por ata u shpallën kampionë bote katër vite më parë në Rusi. Kjo u pasua nga një humbje tronditëse në “Euro 2020” në 1/16-at ndaj Zvicrës në penallti. Ndërkohë, Spanja për herë të fundit arriti në një finale të turneut të madh në vitin 2012, kur mundi Italinë 4-0 në Kampionatin Europian në Ukrainë.

Gjatë gjashtë viteve të fundit ata kanë shkuar në në raundin e 1/8-ave në dy Kupa Bote. “La Roja” gjithashtu shkoi në gjysmëfinale të “Euro 2020”, por humbi nga kampionët e ardhshëm, Italia. Megjithatë, këtë herë ata kanë qenë padyshim skuadra më e fortë e turneut.

Spanja është skuadra e vetme e mbetur që ka fituar çdo ndeshje deri më tani. Ata kanë mundur gjithashtu disa nga peshat e rënda gjatë rrugës, duke përfshirë Kroacinë, Italinë dhe Gjermaninë.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128