Lajme flash
Formula 1/ Verstappen: Kemi probleme, por nuk i dimë se cilat janë ato
15 Prill 2025, 14:48 / SPORT
Shtatë ditë pas garës së jashtëzakonshme në Japoni, ku triumfoi me Red Bull, piloti holandez Max Verstappen përjetoi një garë makthi të dielën e kaluar në Bahrein.
Ai nuk ishte në gjendje të duelonte jo vetëm për fitoren, por as për podiumin.
Vendi i gjashtë erdhi vetëm në xhiron e fundit, kur me një nga lëvizjet e tij, 4 herë kampioni i botës në Formula 1 arriti të parakalojë makinën Alpine të Pierre Gasly, i cili kishte qenë përpara tij për pothuajse të gjithë garën.
“Gjithçka shkoi keq në Bahrein. Ne thjesht nuk kishim ritëm.
Gomat po nxeheshin, ekuilibri ishte i keq. Kishim edhe disa pit-stop të këqija. Bilancimi i makinës në përgjithësi ishte i keq, menaxhimi i gomave ishte mjaft i dobët”, tha Verstappen.
“Shpresojmë që të mos kemi më gara të këqija si kjo dhe të shpresojmë se mund të bëjmë shumë më mirë në garën e radhës Jedah.
Ne kemi probleme, por nuk e dimë se cilat janë realisht ato që t’i zgjidhim”, deklaroi piloti i Red Bull.
-
Zyrtarizohet marrëveshja, Modric bashkëpronar në klubin anglez
15 Prill, 14:41
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128