Lajme flash
Jo vetëm në Francë e Kanada! Protesta masive edhe në Portugali, mijëra qytetarë në rrugë kundër rritjes së çmimeve të banesave
14 November 2026, 23:03 / BOTA
Mijëra qytetarë kanë protestuar në 32 qytete të Portugalisë, duke kërkuar masa urgjente për garantimin e së drejtës për strehim dhe frenimin e rritjes së çmimeve të banesave dhe qirave.
Protestat u organizuan nga platforma “Casa para Viver” (Shtëpi për Jetën), nën sloganin “Nuk do të na e hiqni të drejtën për strehim”.
Pjesëmarrësit kërkuan më shumë investime në banesa publike dhe të përballueshme, rregullim më të fortë të tregut të pasurive të paluajtshme, si dhe shfuqizimin e ligjit të ri për qiradhënien e apartamenteve.
📍Lisboa, Portugal
“Ó meu amor se me queres amar, labuta! Nada na vida se alcança sem dar sentido e amor à luta!” https://t.co/ud6ABz1oJ4
— Stefani Costa (@sttefanicosta) November 14, 2026
Në Lisbonë, protestuesit marshuan drejt sheshit Martim Moniz, ndërsa në Porto, disa qindra qytetarë u mblodhën në sheshin Marques për të nisur marshimin.
Demonstrata u zhvilluan gjithashtu në Braga, Coimbra, Faro dhe qytete të tjera të vendit.
Pakënaqësia lidhet kryesisht me vështirësitë në gjetjen e banesave me çmime të përballueshme dhe rritjen e vazhdueshme të kostove të qirave, çështje që janë kthyer në një shqetësim të madh për qytetarët portugezë.
Po ndodh...
Berisha, “Kali i Trojës” i Ramës për shqiptarët që nuk e duan
Nga Indrit Gjyzeli
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128