Rama në sinkron me Berishën, sulmojnë televizionet: Pronarëve lejet e ndërtimit dhe favoret, gazetarëve fajin për pasqyrimin

Në Shqipëri ka një paradoks që vetëm Edi Rama dhe Sali Berisha mund ta shpjegojnë: të dy kanë qeverisur një vend ku pronarët e televizioneve kanë përfituar leje ndërtimi, kontrata dhe favore nga pushteti, por sot të dy ankohen se mediat janë kundër tyre. Sikur ekranet të ishin zaptuar nga ndonjë forcë e panjohur dhe jo të drejtoheshin nga pronarë me të cilët politika ka ndërtuar prej dekadash marrëdhënie interesash. Madje, Rama dhe Berisha kanë arritur deri aty sa të përdorin të njëjtin fjalor për të akuzuar televizionet, vetëm duke ndërruar emrin e atij që pretendojnë se glorifikohet.

Në Asamblenë e PS-së, Rama deklaroi se mediat shqiptare prodhojnë “60% përmbajtje kundër qeverisë, afro 30% përmbajtje neutrale dhe vetëm rreth 10% përmbajtje pro qeverisë”. Ai akuzoi televizionet se janë rreshtuar “ekran më ekran për të glorifikuar dhunën” gjatë protestave.

Më 31 gusht, Berisha kishte paraqitur një tjetër statistikë, sipas së cilës 69% e kohës televizive në katër televizionet kombëtare i ishte kushtuar mazhorancës dhe vetëm 24.8% Partisë Demokratike. Ai i cilësoi televizionet “qeveritare antikombëtare”, duke i akuzuar për glorifikimin e qeverisë dhe censurimin e opozitës.

Pra, për Berishën ekranet glorifikojnë Ramën, ndërsa për Ramën glorifikojnë dhunën e protestuesve. Njëri pretendon se mediat janë nën kontrollin e qeverisë dhe oligarkëve, tjetri se ato janë kthyer në zëdhënëse të kundërshtarëve të tij. Të dy përdorin përqindje për të provuar të kundërtën e njëri-tjetrit, ndonëse njëri mat kohën televizive dhe tjetri pretendon të masë qëndrimin e përmbajtjes.

Por në këtë përplasje të dy lënë jashtë një fakt që e njohin mirë: minutat televizive nuk i zotërojnë gazetarët, por pronarët e televizioneve. Dhe marrëdhënia e politikës me këta pronarë nuk ka nisur sot. Gjatë qeverisjeve të Berishës dhe Ramës, ajo është shoqëruar me leje ndërtimi, favore ekonomike, kontrata dhe fonde publike, një histori që kërkon të shqyrtohet përmes përfituesve dhe vendimeve konkrete.

Prandaj, kur dy politikanët ankohen për mënyrën si shpërndahet koha televizive, nuk mund të lihet jashtë marrëdhënia që pushteti ka ndërtuar prej vitesh me pronarët e ekraneve. Është një marrëdhënie ku kufiri mes interesit ekonomik dhe pavarësisë editoriale ka qenë vazhdimisht objekt pikëpyetjesh.

Por fatkeqësia e Ramës dhe Berishës është se beteja e komunikimit publik po zhvendoset nga televizionet në rrjetet sociale, ku pushteti i lejeve të ndërtimit dhe tenderave publikë nuk vlen më si dikur. Sepse mund të blesh heshtjen e një ekrani me favore për pronarin e tij, por nuk mund të kontrollosh mijëra njerëz që komunikojnë drejtpërdrejt, pa pasur nevojë për një studio, një drejtor lajmesh apo një pronar televizioni. Në fund, tragjedia e dy liderëve është se mund të kenë ndarë leje ndërtimi për gjysmën e Tiranës, por ende nuk kanë gjetur një mënyrë për t’i dhënë një kullë çdo studenti që nxjerr telefonin dhe filmon atë që ata do të preferonin të mos shihej./Marrë nga VNA

Po ndodh...

16:22 FJALEKRYQI

Schema libero 14 novembre

14:46 POLITIKË

A u përjashtua Spiropali? Klosi pas mbledhjes: Është anëtare e PS

14:37 AKTUALITET

Aksident në Pogradec, kamionçina përplaset me barrierat anësore dhe përmbyset

14:32 POLITIKË

Nuk përmbahet Sali Berisha: Në Frontin kundër Ramës, pranojmë edhe Erion Veliajn!

14:15 AKTUALITET

KLSH zbulon miliona lekë aksione dhe pasuri të regjistruara gabim në Bashkinë Vlorë

13:57 BOTA

E bujshme/ SHBA i propozon Ukrainës të lëshojë Donbasin, në këmbim të anëtarësimit të NATO-s

13:45 POLITIKË

Kulla në Tiranë? Berisha hedh poshtë akuzat: Shpifjet e ulëta për djalin tim janë pjesë e strategjisë mafioze

13:27 POLITIKË

"Unë dhe PS nuk bëjmë avokatinë e askujt"/ Mbrojtja e Ballukut, Rama: U ngrit një furtunë mediatike

13:26 POLITIKË

Copëtohet PS/ Fatmir Xhafaj del kundër propozimit të Ramës: Spiropali dhe Ndreca të mos përjashtohen

13:04 POLITIKË

Berisha: NATO anuloi samitin në Shqipëri për shkak të lidhjeve të Ramës me krimin

12:46 POLITIKË

“Veliaj i ka duart e lidhura”, Rama kërkon përjashtimin e Elisa Spiropalit dhe Plarent Ndrecës

12:34 POLITIKË

“Më erdhi një vezë irlandeze! Polici i tha shqipes ndal dhe ai goxha burrë ngriu”, Rama ashpërson retorikën ndaj protestuesve: Iluzioni se do më largonin…

12:10 AKTUALITET

EMRAT/ Aksident tragjik në rrugën e Arbrit, humbin jetën 2 persona, 5 të plagosur

12:00 POLITIKË

"Protestë të instrumentalizuar politikisht dhe ofensivë dhune", Rama në Asamblenë e PS: Shqipëria po përballet me presion të brendshëm

Dua të lexoj më shumë lajme