Lajme flash
Igli Tare më pranë Milanit, nesër takimi për postin e drejtorit të ri sportiv
14 Prill 2025, 11:13 / SPORT
Milani ende nuk e ka vendosur se kush do të jetë drejtori i ri sportiv i skuadrës, ndërsa bisedimet kanë vijuar me disa emra të njohur të kësaj fushe, mes tyre dhe Igli Tare. Disa ditë më parë u raportua se shqiptari nuk bindi drejtuesit dhe se gjithçka kishte marrë fund, por tanimë ngjarja ka marrë një tjetër rrjedhë, e Tare është favoriti kryesor për të marrë postin e drejtorit sportiv te “djajtë”.
Sky Sport ka konfirmuar orët e fundit se palët do të mbajnë një tjetër takim, që me gjasë është përfundimtari sa i përket çështjes së drejtorit sportiv, ku të pranishëm do të jenë Cardinale, Ibrahimovic dhe Tare. Fabio Paratici, që u duk se do të ishte personi që do të merrte detyrën, u fshi menjëherë nga lista, duke mos bindur drejtuesit, e si rrjedhojë emri i Igli Tares cilësohet tanimë si i duhuri për skuadrën.
Përvoja dhe sukseset e mëhershme të tij janë një pikë e fortë që vlerësohet në kampin kuqezi, e një transformim si ai i Lazios dëshirohet edhe në Milano, por natyrisht në përmasa më të mëdha: një ekip kompetitiv, me më pak shpenzime, por në fund të sezonit me trofe të fituar. E duket se për këtë plan, Tare është i duhuri.
Pse janë mbledhur bashkë të gjithë të korruptuarit kundër Lulzim Bashës?
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128