Juventus dhe Interi në garë për shërbimet e mesfushorit të Napolit

7 Dhjetor 2023, 21:18 / SPORT ALFA PRESS

Juventus dhe Interi në garë për shërbimet e mesfushorit

Interi dhe Juventusi do të duelojnë shumë mes tyre për shërbimet e lojtarit të Napolit. Dy kryesuesit e Serie A kërkojnë shërbimet e Piotr Zielinski, i cili me napolitanët po zhvillon një sezon fantastik.

Mesfushorit polak i përfundon kontrata në fund të këtij sezoni, teka me Napolin ende nuk ka rinovuar kontratën. Në këto kushte nga kjo situatë kërkojnë të përfitojnë Interi dhe Juventusi, të cilët kanë nisur të bëjnë gati planin për transferimin e tij.

Cilado skuadër që mund të transferojë Zielinskin do të duhet t’i ofrojë pagë më të lartë nga ajo që merr aktualisht te Napoli, gjë e cila kap shifrën e 5 milionë erove. Mbetet të shihet se çfarë do të ndodhë mes palëve.