English
Luaj me Fjalëkryq
Lajme flash

Kosova sot për historinë, “Dardanët” duan Ligën B, ndaj Islandës për të mbrojtur fitoren në Prishtinë

23 Mars 2025, 15:34 / SPORT ALFA PRESS

Kosova sot për historinë, “Dardanët” duan Ligën

Kosova duhet të mbrojë fitoren në duelin e parë të play-off-it të Ligës së Kombeve kundër Islandës për të shkruar historinë duke u ngjitur në Ligën B.

Suksesi 2 me 1 në Prishtinë 3 ditë më parë ishte i rëndësishëm, sepse i jep një avantazh jo të vogël dardaneve, duke u kombinuar me faktin që takimi i kthimit nuk luhet në Islandë, por në Mursia të Spanjës, në orën 18:00.

Në raport me takimin e parë luajtur në Fadil Vokrri, skuadra e trajnerit Franko Foda do të ketë dy mungesa, Rrudhani dhe portieri Arijanet Muriqi, pa lënë anash edhe lojtarët që nuk u grumbulluan fare për shkak të dëmtimeve, ndërsa spikat më së shumti Edon Zhegrova. Tekniku i Kosovës tha se shanset në këtë duel janë 50 me 50.

“Siç e kam thënë edhe më herët, do të jetë një përballje ku gjasat janë 50 me 50. Kjo u dëshmua edhe në ndeshjen e parë, e cila nuk kishte diferenca të mëdha, ku edhe Islanda kishte mundësi të shënonte në disa situata, por edhe ne kishim mundësi të mira për të shënuar për 3:1. Dhe ndonëse po e zhvillojmë një ndeshje si mysafirë, ne prapë do të mundohemi ta luajmë lojën tonë, të kemi raste dhe të provojmë të shënojmë gola”, tha Franko Foda, trajner i Kosovës.

Golat në Prishtinë në suksesin 2 me 1 u shënuan nga Dellova dhe Rexhbeaj, por forca e Kosovës, veçanërisht, janë eksperienca në mbrojtje e dyshes Amir Rrahmani dhe Megrim Vojvoda, si dhe cilësia përpara e dyshes Rashica dhe Vedat Muriqi.

Suksesi dardaneve ka dy rezultate në favor për të kapërcyer nga Liga C në Ligën B: barazimi ose fitorja. Humbja me një gol diferencë do ta çonte sfidën në shtesë dhe pse jo tek penalltitë.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128