English
Luaj me Fjalëkryq
Lajme flash

Mbyllet 1-1 pjesa e parë, kuqezinjtë ndëshkohen në minutën e katërt shtesë

10 Qershor 2025, 21:48 / SPORT ALFA PRESS

Mbyllet 1-1 pjesa e parë, kuqezinjtë ndëshkohen në
Kontroll shterpë i topit nga Shqipëria në minutat e para, ndërkohë Kumbulla shkakton një 11-metërsh në të 18-tën: nga pika e bardhë godet Janis Ikaunieks, pret Strakosha. 

29' - Goool Shqipëria: krosim nga e majta e sulmit nga Arbër Hoxha në minutën e 29-të dhe në zonën e portierit është i vëmendshëm Rey Manaj, që e shtyn lehtësisht topin drejt rrjetës, 0-1. 

45+4' Barazohet ndeshja në minutën e katërt shtesë të pjesës së parë: në zhvillimet e një goditjeje këndi, që ishte e gjashta port vendësit, Cernomordijs godet saktë me kokë, 1-1. 

Silvinjo ka bërë disa ndryshimet, ndërsa këtë ndeshje Manaj e nis si kapiten.

Ndeshja që luhet në kuadër të eliminatorëve të Botërorit 2026 SHBA-Kanada-Meksisë, do të luhet mbrëmjen e sotme në stadiumin e kryeqyteti letonez, Riga.

Vendimi i trajnerit brazilian për të ‘graduar’ kapiten Manajn është një lëvizje e qartë për t’i treguar opinionit se sulmuesi ka besimin e plotë të stafit, pavarësisht se dështoi në goditjen e penalltisë ndaj Serbisë. 

Tre ndryshime në formacion, të gjitha në repartin e mbrojtjes, nga trajneri Sylvinho. Në qendër të repartit të pasmë, pas mungesave të Gjimshitit dhe Ajetit (i pari i pezulluar dhe i dyti i dëmtuar), aktivizohen Ismajli dhe Kumbulla, ndërsa ndryshim taktik është aktivizimi i Balliut në vend të Hysajt. Pjesa tjetër e formacionet mbetet e pandryshuar. 



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128