Milani nuk e ka më fatin në dorë, ja kombinimet që e kualifikojnë

28 Nëntor 2023, 23:38 / SPORT ALFA PRESS

Milani nuk e ka më fatin në dorë, ja kombinimet që e

Milani u mposht në “San Siro” me rezultatin 1-3 nga Borussia Dortmund, duke minimizuar mundësitë për të vijuar aventurën në Ligën e Kampionëve edhe përtej fazës së grupeve.

Me vetëm një ndeshje të mbetur, grupi kryesohet nga Dortmund me 10 pikë, që ka siguruar edhe kualifikimin, i ndjekur nga PSG me 7 pikë dhe Newcastle e Milan me nga 5 pikë.

Dy të fundit do të përballen me njëra-tjetrën në ndeshjen e fundit më 13 dhjetor në Angli, megjithatë fitorj mund të mos i shërbejë askujt për t’u kualifikuar.

Kjo pasi PSG-së i mjafton një pikë në transfertëm ndaj Dortmundit për t’u kualifikuar matematikisht, pavarësisht rezultatit në Newcastle-Milan.

Thënë ndryshe, kuqezinjtë e Piolit nuk e kanë më fatin në dorën e tyre, por do të shkojnë në Angli për të fituar, që të sigurojnë minimalisht pjesëmarrjen në Ligën e Europës.