Lajme flash
Reali i Madridit, forcë në sulm, dobësi në mbrojtje, Arsenali prova e së vërtetës
7 Prill 2025, 15:49 / SPORT
Reali i Madridit përballet me një test të vështirë të martën, kundër Arsenalit, në ndeshjen e parë çerekfinale të Ligës së Kampionëve.
Sulmi spektakolar me emra si Mbappé, Vinicius, Bellingham dhe Rodrygo është armë e frikshme, por pas tyre fshihet një mbrojtje e brishtë që Ancelotti nuk ka mundur ta stabilizojë.
Humbja 2-1 ndaj Valencias të shtunën nxori sërish në pah problemet në prapavijë, me trajnerin italian që pranoi se ekipi “vuan më shumë prapa” këtë sezon për shkak të sulmit më efektiv, ku Mbappé ka shënuar 33 gola.
Reali ka pësuar tashmë 10 humbje këtë sezon, ndryshe nga viti i kaluar kur fituan La Ligën dhe Champions-in me vetëm dy disfata.
Mungesa e Toni Kroos ka lënë boshllëk në mesfushë, ndërsa Tchouameni është i pezulluar për sfidën në “Emirates”.
Në portë, Courtois dhe Lunin kanë qenë jashtë për shkak dëmtimesh, duke detyruar 19-vjeçarin Fran Gonzalez të debutojë kundër Valencias, por të dy titullarët mund të rikthehen ndaj Arsenalit.
Mbrojtja ka qenë pika më e dobët – Reali ka pësuar 31 gola në La Liga këtë sezon, pesë më shumë se gjithë sezonin e kaluar.
Lëndimet afatgjata të emrave si Carvajal dhe Militao, si dhe forma ende larg më të mirës e Alaba-s, kanë sjellë pasiguri në repartin defensiv.
Megjithëse Ancelotti ka përdorur Raul Asencion (22-vjeçar) dhe Rudigerin, mungesa e përforcimeve në mbrojtje është ndier.
Në Champions, Reali kaloi me spektakël Man City-n 6-3 në raundin play-off, ku Mbappé shënoi katër gola, por kritikat mbeten për dobësinë në mbrojtje.
Tani, ndaj një ekipi si Arsenali që di të shfrytëzojë hapësirat, mbetet të shihet nëse Reali do arrijë të fitojë me më shumë gola se sa pëson.
Ancelotti vazhdon të kërkojë ekuilibrin mes sulmit dhe mbrojtjes, ndërsa shpreson që forca e ‘yjeve’ të tij në sulm të mbulojë dobësitë në prapavijë.
Po ndodh...
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128