Tensione te Kryeministria, policia shtyn me forcë qytetarët në trotuar

19 November 2026, 18:57 / POLITIKË ALFA PRESS
Tensione te Kryeministria, policia shtyn me forcë qytetarët në

Përplasjet mes policisë dhe protestuesve janë shënuar edhe këtë ditë në bulevardin “Dëshmorët e Kombit”, ku forcat e rendit kanë ndërhyrë për të larguar qytetarët që ishin mbledhur para Kryeministrisë.

Efektivët e FNSH-së dhe të forcës “Shqiponja” kanë krijuar një kordon policor, duke rrethuar protestuesit dhe duke i shtyrë me forcë drejt trotuarit pranë godinës së Kuvendit. Gjatë ndërhyrjes janë regjistruar edhe disa shoqërime të qytetarëve me forcë.

Protestuesit kanë kundërshtuar veprimet e policisë, duke këmbëngulur se tubimi i tyre është paqësor dhe se kanë njoftuar për zhvillimin e tij. Ata kanë kundërshtuar largimin nga bulevardi, ndërsa ndërhyrjen e forcave të rendit e kanë cilësuar të pajustifikuar.

Po ndodh...