Lajme flash
Koreja e Jugut pezullon aplikacionin kinez të AI DeepSeek
17 Shkurt 2025, 20:33 / TRENDING
Komisioni i Mbrojtjes së të Dhënave të Koresë së Jugut (PIPC) njoftoi sot se ka pezulluar funksionimin e aplikacionit kinez të AI DeepSeek pasi kompania pranoi se nuk kishte respektuar disa nga rregulloret e komisionit për mbrojtjen e të dhënave personale.
Aplikacioni do të lejohet të vazhdojë të funksionojë pasi të bëhen përmirësime në përputhje me ligjet e privatësisë së Koresë së Jugut, tha Komisioni, raportoi Reuters.
Shërbimi në internet DeepSeek është ende i disponueshëm në Korenë e Jugut , por shkarkimet e reja janë pezulluar.
Startup-i kinez javën e kaluar emëroi përfaqësues ligjorë në Korenë e Jugut, duke pranuar se kishte injoruar pjesërisht ligjet e vendit për mbrojtjen e të dhënave, tha PIPC.
Autoriteti i mbrojtjes së të dhënave të Italisë, Garante, gjithashtu njoftoi muajin e kaluar se kishte urdhëruar aplikacionin DeepSeek të bllokonte chatbot-in e tij për dështimin në përputhje me politikën e tij të privatësisë, kujtoi agjencia britanike.
Kompania DeepSeek ende nuk ka komentuar mbi këto akuza.
Një zëdhënës i Ministrisë së Punëve të Jashtme kineze tha në fillim të shkurtit në lidhje me lëvizjen e qeverisë së Koresë së Jugut drejt aplikacionit DeepSeek se qeveria në Pekin i kushton rëndësi të madhe mbrojtjes dhe sigurisë së të dhënave në përputhje me ligjin.
Po ndodh...
Fundi i një Lideri të fortë edhe njëkohësisht të dobët, si rasti Rama!
Nga Irena Beqiraj
ide
“Sovranistët” rusofil
Nga Erl Kodra
Si të kapësh peshkun më të madh!
Nga Vincent W.J. Van Gerven Oei
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128