English
Luaj me Fjalëkryq
Lajme flash

6 orë luftë me flakët, Izolohet vatra e zjarrit në afërsi të Thethit

15 Gusht 2024, 20:38 / AKTUALITET ALFA PRESS

6 orë luftë me flakët, Izolohet vatra e zjarrit në

Është izoluar vatra e zjarrit në vendin e quajtur Guri i Nënshtegut në afërsi të fshatit Theth.

Mësohet se pas thuajse 6 orësh, vatra e zjarrit është izoluar dhe nuk paraqet rrezik në përhapjen e saj. Ndërkohë, janë djegur rreth 4 dynym sipërfaqe pyjore me pish dhe ah.

“Në këtë operacion për shuarjen e zjarrit janë angazhuar:

- 17 punonjës dhe banorë të Njësisë Administrative Shalë

- 1 mjet dhe 4 zjarrfikës të repartit të Shkodrës

- 11 punonjës nga Administrata e Zonave të Mbrojtura

- 22 efektivë të Policisë Shkodër dhe repartit të FNSH

- 30 efektivë të Forcave të Armatosura të Ushtrisë

Situata është monitoruar nga strukturat e emergjencave civile në Bashkinë Shkodër, në koordinim me komitetin e emergjencave civile të Prefekturës Shkodër me Agjencinë Kombëtare të Mbrojtjes Civile. Strukturat në terren do të jenë në gatishmëri edhe gjatë orëve në vijim me qëllim që të mos ketë përhapje të vatrës së zjarrit gjatë orëve të natës”, thuhet në njoftimin e Bashkisë Shkodër.

Aktualisht, në të gjithë vendin vijon të jetë ende e rënduar situata si pasojë e zjarreve. Në buletinin ditor të Ministrisë së Mbrojtjes mësohet se gjatë 24 orëve të fundit janë regjistruar 20 vatra zjarri, 14 prej të cilave vijojnë të jenë aktive.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128