English
Luaj me Fjalëkryq
Lajme flash

Emrat/ Prokuroria e Durrësit dërgon për gjykim tre biznesmenë për pastrim parash

13 Maj 2023, 12:06 / AKTUALITET ALFA PRESS

Emrat/ Prokuroria e Durrësit dërgon për gjykim tre

Gëzim e Saimir Sallaku dhe Rabi Kurti, iu janë sekuestruar 1.5 milionë euro të cilat dyshohet se i kanë vënë përmes aktivitetit kriminal. Prokuroria e Durrësit këtë të shtunë ka dërguar për gjykim tre biznesmenët që akuzohen për pastrimin parash.

Sipas Prokurorisë një kompani e regjistruar në Panama, pronarët e së cilës rezultojnë të përfshirë në një skandal korrupsioni në Spanjë, trasferoi gjysmë milionë euro në llogaritë e Gëzim Sallakut, sipërmarrësit shqiptar i dënuar në Itali për riciklim parash të pista, mashtrim e çështje droge. Sipas të dhënave nga hetimet rezulton se në vitet 2011-2012 në llogaritë e të dënuarit janë kryer disa transaksione bankare në vlera të konsiderueshëm dhe dy nga trasfertat e ardhura nga kompania GSA Sallaku, në Itali janë trasferuar si borxhe te Rabi Kurti.

Gëzim Sallaku është një emër i njohur për autoritet, ndërsa u dëbua nga autoritetet italiane më 19 shkurt  pasi Policia e Brescia e konsideroi atë person të padëshiruar dhe të rrezikshëm.

Njoftimi i plotë:

Nën akuzë për “Pastrim të produkteve të veprës penale ose veprimtarisë kriminale”, Prokuroria Durrës dërgon për gjykim shtetasit Gëzim Sallaku, Saimir Sallaku dhe Rabi Kurti dhe ka sekuestruar 1.5 milionë euro prona e asete.

Prokuroria pranë Gjykatës së Shkallës së Parë të Juridiksionit të Përgjithshëm Durrës, në përfundim të hetimit paraprak, dërgoi për gjykim procedimin penal në ngarkim të të pandehurve:

Personi Juridik: “G.S.” Sh.p.k, e administruar nga G.S;
Shtetasi S.;
Shtetasi S.; dhe
Shtetasi K.
Të gjithë personat e mësipërm, akuzohen se kanë kryer veprën penale “Pastrimi i produkteve të veprës penale ose veprimtarisë kriminale” (e kryer sipas germës “d” të paragrafit të “1” dhe në bashkëpunim) parashikuar nga neni 287 pgr. 2 të Kodit Penal.

Nga hetimi rezultoi e provuar vepra penale për të cilën janë akuzuar dhe nga ana e organit të prokurorisë është kërkuar dërgimin në gjyq të procedimit penal në ngarkim të të pandehurve G.S., S.S., R.K. dhe personi juridik “GS” sh.p.k.

Në funksion të këtij hetimi, me vendimin nr. 221, datë 08.06.2021 të Gjykatës së Shkallës së parë Durrës janë sekuestruar pasuritë e më poshtme:

Aksione të shoqërisë “GS” sh.p.k me aktivitet “Import Eksport, tregti autovetura, kamion, etj” me seli në Durrës me ortak të vetëm dhe administrator shtetasin G.S;
13 automjete në pronësi shoqërisë tregetare “GS” sh.p.k.;
Pasuria e llojit apartament, me sip 48.4 m2, në emër të shtetasit G.S dhe S.H.;
Pasuria e llojit apartament, me sip 330 m2, në emër të shtetasit G.S dhe S.H.;
Pasuria me adresë Hamallë, me sipërfaqe 12.710 m2, M.Gj, e cila është nga shtetasi G.S.;
Pasuria e llojit Arë, me adresë Hamallë, me sipërfaqe 7890 m2, në emër të shtetasit A.L., e cila është blerë nga shtetasi G.S.;
Pasuria e deklaruar për legalizimin, në emër të shtetasit G.S., ndërtim 3 kate, me sipërfaqe ndërtimi 140 m2, e ndërtuar në një truall 500 m2;
Pasuria e deklaruar për legalizim, në emër të shtetasit S.S, me sipërfaqe ndërtimi 140 m2, e ndërtuar në një truall 500 m2;
Pasuria e llojit ndërtesë godinë banimi 2 kate + garazh, me sip 115 m2 kati i përdhe, 116 m2 kati i parë dhe 54 m2 garazhi, në emër të shtetasit R.K., regjistruar me leje legalizimi;
Pasuria e llojit ndërtesë, me sip 54 m2, në emër të shtetasit R.K.; dhe
Pasuria e llojit apartament, me sip 111.4 m2, në emër të shtetasit R.K. dhe L.K.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128