English
Luaj me Fjalëkryq
Lajme flash

EMRI/ Skandali i mbetjeve të “Kurum”, arrestohet inspektori i Portit të Durrësit

12 Shkurt 2026, 15:52 / AKTUALITET ALFA PRESS

EMRI/ Skandali i mbetjeve të “Kurum”, arrestohet inspektori i

Policia e Durrësit ka arrestuar një inspektor të shpallur në kërkim, punonjës i Portit të Durrësit, i akuzuar për shpërdorim detyre në lidhje me dosjen e skandalit të “Kurum”.

I arrestuari është Xhuljo Golgota, Inspektor i Portit të Durrësit.

Policia vendore bëri me dije se 37-vjeçari ishte në kërkim në kuadër të aksionit të koduar “Eko-Toxic”, e që lidhet me dosjen e bujshme të mbetjeve kimike të “Kurum”, për të cilën tani ka 21 të ndaluar me masa sigurie dhe 12 të tjerë në kërkim apo hetim.

“Specialistët e Sektorit për Hetimin e Krimeve Ekonomiko-Financiare kapën dhe ndaluan Xh. G., 37 vjeç, banues në Durrës, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës, me vendimin e datës 03.02.2026, i ka caktuar masën e sigurisë “Arrest në burg”, për veprën penale “Shpërdorimi i detyrës”, thuhet në njoftimin zyrtar.

Vijon puna për kapjen e shtetasve të tjerë në kërkim.

Dosja me 20 të arrestuar dhe 13 në hetim dhe kërkim, masat e Gjykatës Durrë

Më 6 shkurt, Gjykata e Durrësit ka marrë edhe masat e sigurisë për 20 personat e arrestuar dhe 13 të tjerët që po hetohen për dosjen e “Kurum”, në lidhje me kontejnerët me 2800 tonë mbetje toksike që do eksportoheshin jashtë vendit në mënyrë të paligjshme.

Në fund të një seance maratonë me dyer të mbyllura, gjyqtari i gatshëm ka pranuar kërkesat e Prokurorisë dhe ka vendosur 9 masa “arrest ne burg”, 4 “arrest në shtëpi”, 6 “ndalimi i daljes jashtë shtetit”, dhe të “detyrim për t’u paraqitur në policinë gjyqësore” dhe 1 në “detyrim paraqitjeje”.

Në total 10 zëvendësime masash sigurimi personal dhe 10 vijime masash sigurimi personal.

8 masat “arrest me burg” u dhanë për:  Shaban Hyseni, Mikail Hila, Nazif Bajrami, Andon Prifti, Indrit Likaj, Edmond Voda, Florian Çomo, Gazmend Sina.

7 masa “detyrim paraqitje” u caktuan për: Julian Kapedani, Arta Dollani, Marjeta Përlala, Kledina Skëndo, Bujana Tonçiça, Elis Mellonashi, Iva Musa.

5 persona u lanë me masën “arrest në shtëpi”: Rami Buga, Mirjeta Zotaj, Helidon Lila, Shkëlqim Jakupi, Kejqi Ahmetaj.

102 kontejnerë me mbetjet e rrezikshme të ‘Kurum’, me peshë 2800 tonë u kthyen nga Tajlanda në tetor 2024.

Masat e Gjykatës së Durrësit për 20 të ndaluarit:

-Shtetasi Rami Bunga- dyshuar për veprën penale “Kontrabandë me mallra të ndaluar apo kufizuar” dhe “Menaxhim i mbetjeve”- Arrest në shtëpi

-Shtetasi Shaban Hyseni- dyshuar për veprën penale “Kontrabandë me mallra të ndaluar apo kufizuar” dhe dhe “Falsifikim i dokumenteve”- Arrest në burg

-Shtetasja Mirjeta Zotaj- dyshuar për veprën penale “Falsifikim i dokumenteve” dhe “Pastrimi i produkteve të veprimtarisë kriminale”;- Arrest në shtëpi”

-Shtetasi Mikail Hila- dyshuar për veprën penale “Kontrabanda nga punonjës që lidhen me veprimtarinë doganore”-Arrest në burg

-Shtetasi Nazif Bajrami- dyshuar për veprën penale “Menaxhim i mbetjeve”;-Arrest në burg

-Shtetasi Andon Prifti dyshuar për veprën penale “Menaxhim i mbetjeve”;- Arrest në Burg

-Shtetasi Julian Kapedani dyshuar për veprën penale “Kontrabanda nga punonjës që lidhen me veprimtarinë doganore”;- Ndalim i daljes jashtë shtetit dhe Detyrim për t’u paraqitur në policinë gjyqësore

-Shtetasi Indrit Likaj dyshuar për veprën penale “Kontrabanda nga punonjës që lidhen me veprimtarinë doganore”;- Arrest në Burg

-Shtetasi Edmond Voda dyshuar për veprën penale “Kontrabanda nga punonjës që lidhen me veprimtarinë doganore”;- Arrest në burg

-Shtetasi Helidon Lila, dyshuar për veprën penale “Kontrabanda nga punonjës që lidhen me veprimtarinë doganore”;- Arrest në shtëpi

-Shtetasi Shkëlqim Jakupi, dyshuar për veprën penale “Kontrabanda nga punonjës që lidhen me veprimtarinë doganore”;- Arrest në shtëpi

-Shtetasi Florian Çimo- dyshuar për veprën penale “Menaxhim i mbetjeve”;- Arrest në burg

-Shtetasi G.S- dyshuar për veprën penale “Menaxhim i mbetjeve”; Arrest në burg

-Shtetasja Arta Dollani- dyshuar për veprën penale “Shpërdorimi i detyrës”, për tre raste;- Ndalim i daljes jashtë shtetit dhe Detyrim për t’u paraqitur në policinë gjyqësore

-Shtetasja Marjeta Përlala- dyshuar për veprën penale “Shpërdorimi i detyrës”, për tre raste;- Detyrim paraqitje në policinë gjyqësore

-Shtetasja Kledina Skendo,dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore

-Shtetasja Bujana Tonciça- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore

-Shtetasja Evis Mellonashi- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore

-Shtetasi Kejdi Ahmetaj- dyshuar për veprën penale “Shpërdorimi i detyrës”;- Arrest në shtëpi

-Shtetasja Iva Musa dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128