English
Luaj me Fjalëkryq
Lajme flash

Itali/ Ndjekje si në filma, karabinierët gjurmojnë bandën shqiptare të ‘skifterëve’! Arrestohet shoferi 30-vjeçar, 3 të tjerët arratisen

7 Janar 2025, 19:28 / AKTUALITET ALFA PRESS

Itali/ Ndjekje si në filma, karabinierët gjurmojnë bandën

Policia italiane arrestoi një 30-vjeçar shqiptar në Albano Laziale, pas një ndjekjeje të automjetit të tij dhe një skenë si në filma aksion. 

Por 3 pasagjerët që ishin brenda në mjet (dyshohet se janë po shqiptarë), mundën të arratiseshin në këmbë, pas rrëmujës së krijuar në zonën e ngjarjes.

Pas ndalimit dhe kontrollit, iu gjetën në makinë mjete që shërbenin për të kryer grabitje dhe pajisje të dyshimta që u sekuestruan si prova materiale.

Dyshohet se shqiptari është pjesë e një bande skifterësh, që operonte në Castelli Romani. Pasi pikasi patrullën e karabinierëve, i riu u përpoq t’i shmangej kontrollit. Ai rriti shpejtësinë dhe tentoi arratisjen, por patrullat e bllokuan në ndjekje.

Ngjarja ka ndodhur orët e vona të 5 janarit, teksa në bord ka pasur të paktën 4 persona të dyshuar. Shpejtësia e shoferit vuri në rrezik edhe efektivët e patrullës dhe shoferët e tjerë që qarkullonin në ato momente. Tre pasagjerët sipas medias së vendit fqinj, mundën të arratiseshin në këmbë, por jo shoferi 30-vjeçar.

Midis sendeve të sekuestruara ishin një gërshërë elektrike, një kamxhik, një shkallë teleskopike, disa radio me dy drejtime, tre kapele, kaçavida dhe leva. I arrestuari nuk ka mundur të japë shpjegime të besueshme në lidhje me praninë e këtyre instrumenteve në bagazhin e tij, duke nxitur dyshimet e hetuesve.

Gjithashtu shqiptari akuzohet edhe për rezistencë dhe kundërshtim të policisë.

 

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128