“Shqiponja e Zezë”, kush është shqiptari që shiste drogë i regjistruar si tregtar frutash në Ekuador

Shqiptari Përparim Billa do të dalë më 18 dhjetor 2025 para drejtësisë, i akuzuar në një çështje që lidhet me krimin e organizuar dhe trafikun ndërkombëtar të drogës, si pjesë e një rrjeti të gjerë kriminal me shtrirje globale.

Billa ishte arrestuar për herë të parë në vitin 2010 gjatë operacionit amerikan “Shqiponja e Zezë”, një nga goditjet më të mëdha të FBI-së ndaj mafies shqiptare në Shtetet e Bashkuara. Në atë kohë, ai rezultonte i regjistruar në Ekuador si tregtar frutash, ndërsa hetimet zbuluan se ishte pjesë e një organizate kriminale me degë në Shqipëri, Kosovë, Maqedoni të Veriut, Serbi, Kanada, Holandë dhe SHBA.

Operacioni përfundoi me padinë e 26 personave dhe arrestimin e koordinuar të 17 prej tyre në disa qytete të Nju Xhersit dhe Nju Jorkut. Objektivët kryesorë ishin Kujtim Lika (“Timmy”) dhe Myfit Dika (“Mike”), të cilët u kapën vite më vonë në Toronto, Kanada.

Hetimet zbuluan një rrjet të sofistikuar që merrej me trafik droge, armësh, kontrabandë cigaresh dhe pastrim parash. Gjatë operacionit u sekuestruan mbi 30 mijë pilula ekstazie, heroinë, metamfetaminë, armë zjarri dhe u dokumentuan tentativa për import të kontrolluar të sasive të mëdha të lëndëve narkotike.

Përparim Billa u deklarua fajtor më 1 shtator 2009 për kontrabandë cigaresh dhe u dënua në vitin 2010 nga Gjykata e Qarkut të Nju Xhersit me 1 vit e 1 ditë burg dhe 2 vite lirim me kusht. Pas vuajtjes së dënimit në SHBA, ai u zhvendos në Amerikën Latine.

Dokumente gjyqësore të vitit 2025 tregojnë se Billa kishte krijuar aktivitet në Ekuador, ku ishte regjistruar si tregtar me shumicë frutash dhe kishte hapur biznes në Quito. Ai rezulton gjithashtu i lidhur me një kompani në Emiratet e Bashkuara Arabe, përmes së cilës u realizua një import në vitin 2020.

Autoritetet ekuadoriane dhe ndërkombëtare e lidhin Billën me zgjerimin e mafies shqiptare në Amerikën Latine, veçanërisht pas arrestimit në maj 2025 të Dritan Gjikës, i konsideruar si një nga krerët e mafies shqiptare në Ekuador.

Seanca dëgjimore për ngritjen e akuzës ndaj Përparim Billës do të mbahet më 18 dhjetor 2025, ora 14:00, ku ai do të përballet me akuza për krim të organizuar dhe trafik droge, së bashku me shtetas nga Serbia dhe Ekuadori.

Çështja ku përfshihet Billa lidhet me një dosje të nisur në shtator 2025, që ekspozon një rrjet shumë-milionësh korrupsioni dhe trafiku kokaine drejt Europës.

Po ndodh...

00:01 Fjalëkryq

Skemë e lirë 17 dhjetor

23:07 POLITIKË

''Nuk mundet Rama me hipokrizi''/ Gazetari Poli Hoxha: Berisha është vetë i pandehur për korrupsion

23:05 POLITIKË

''Kuvendi të miratojë kërkesën e SPAK''/ Xhemal Gjunkshi: Belinda Balluku duhet të përballet me drejtësinë

23:01 SHOWBIZ

Ola Bruko & Endri Prifti flasin për herë të parë për dashurinë e tyre dhe planet për martesë

22:53 JETË

Macet shpallen zyrtarisht simbole kombëtare në Tajlandë

22:51 BOTA

Miliarda euro pas “paqes” Ukrainë-Rusi/ Analiza: A po bën Trump pazar me oligarkët?

22:44 KOSOVA

Nafta më e lirë? Kosova vendos çmim tavan për tregtarët e karburantit

22:42 BOTA

Ndalohet studenti, parandalohet sulmi terrorist në Poloni

22:38 AKTUALITET

“Më rr*ani p***in”/ Skandal në Myslym Shyr! Shefja e “Future Home” kërcënon pronaren pas...

22:32 POLITIKË

Baçi: Rama duhet të shqetësohet pse ka kaq shumë të korruptuar, jo pse ka kaq shumë të akuzuar

22:18 AKTUALITET

"Po mbyllin 1 mijë puse nafte"/ Poli Hoxha: Qeveria po shkakton shkatërrimin e pakthyeshëm të pasurisë kombëtare, në Patos-Marinzë

22:06 POLITIKË

Përçarja e PD-së, Barbara Doda: Salianji nuk flet dot kundër Berishës

22:02 POLITIKË

“Hetimet kanë nxjerrë episode të tjera”/ Kërkesa e SPAK për arrestimin e Ballukut, Karamuço: Kishte urgjencë pas vendimit të Kushtetueses

22:00 POLITIKË

“Politika njish me krimin”/ Gazetari Poli Hoxha: Në PD zihen se kush e ka Suel Çelën

Dua të lexoj më shumë lajme