Atentat ndaj dy ligjvënësve demokratë në Minnesota të SHBA. Vritet përfaqësuesja Melissa Hortman dhe bashkëshorti i saj, plagoset rëndë një tjetër senator

Dy ligjvënës demokratë të shtetit të Minnesotës janë bërë shënjestër e një atentati të armatosur në shtëpitë e tyre përkatëse në SHBA.

Si pasojë e të shtënave, ka humbur jetën përfaqësuesja demokrate e Dhomës së Përfaqësuesve, Melissa Hortman, si dhe bashkëshorti i saj, Mark Hortman.

Lajmin e konfirmoi vetë guvernatori i Minnesotës, Tim Walz, gjatë një konference të jashtëzakonshme për shtyp të mbajtur mëngjesin e së shtunës.

“Kjo duket qartësisht si një vrasje politike e qëllimshme. Një akt i dhunshëm që synon destabilizimin përmes terrorit,” deklaroi ai me një ton të ashpër dhe të prekur emocionalisht.

Sipas autoriteteve, një tjetër objektiv i sulmeve ka qenë edhe senatori i shtetit, John Hoffman, po ashtu pjesë e Partisë Demokrate-Fermere-Punëtore.

Ai dhe bashkëshortja e tij, Yvette, janë qëlluar disa herë me armë në banesën e tyre në qytetin Champlin. Të dy janë dërguar me urgjencë në spital dhe i janë nënshtruar ndërhyrjeve kirurgjikale.

Guvernatori Walz tha se shpreson që ata të mbijetojnë, duke shtuar se janë aktualisht jashtë rrezikut për jetën.

Të shtënat ndodhën në zonat Champlin dhe Brooklyn Park, dy qytete të afërta me njëri-tjetrin, që ndodhen në rrethinat e Minneapolisit. Policia lokale dhe shërbimet emergjente kanë vendosur masa sigurie të forta në zonë dhe një perimetër të izoluar në një rreze prej afro 5 kilometrash nga vendngjarja.

Zyrtarët kanë lëshuar urdhër për qëndrim në shtëpi për banorët dhe u kanë bërë thirrje të mos hapin derën për askënd, përveç nëse paraqiten dy oficerë policie së bashku. Dyshohet se autori mund të jetë duke u shtirur si oficer policie dhe është ende në arrati.

Po ndodh...

00:00 Fjalëkryq

Skemë e lirë 12 korrik

23:25 BOTA

Kolumbi/ Sulme ajrore ndaj kartelit Clan del Golfo, 3 të vrarë dhe 1 i arrestuar 

23:17 BOTA

Opsion kyç për buxhetin evropian, BE planifikon taksë për kompanitë me xhiro mbi 50 milionë euro

22:52 BOTA

Miliarderi francez nën hetim për financim të paligjshëm të partisë së Le Pen

22:41 SPORT

Pas humbjes me PSG/ Alonso nis spastrimet tek Real Madridi, largon tre yjet e ekipit

22:35 POLITIKË

SPAK e kontrollon, shteti i jep miliona. Dorian Sadiku, trashëgimtari i pasurive dhe aferave të Ilir Beqajt

Nga Mero Baze 22:22 IDE

Beteja e Thethit fitohet në zyrat e shtetit

Nga Mero Baze

22:21 POLITIKË

Përplasjet e forta mes policisë dhe banorëve në Theth, reagin Kisha Katolike: Palët të angazhohen në dialog, të mbizotërojë paqja!

22:06 JETË

Shpimi nga iriqi i detit mund të shkaktojë ndalimin e frymëmarrjes dhe të rrezikojë jetën, çfarë duhet të keni parasysh

22:02 EKONOMI&SOCIALE

Bitcoin arrin rekord të ri, vlera e tij arrin në 120 mijë dollarë

21:48 AKTUALITET

Nga Kurbini në Sarandë, Elbasan e Korçë, vijojnë emërimet e reja në Policinë e Shtetit në rang komisariatesh

21:23 POLITIKË

Endri Shabani kërkesë KQZ: T’i jepet mandati kandidatit të parë të renditur në listë, të njihen dorëheqjet...

21:23 BOTA

Gruaja arratiset nga Koreja e Veriut dhe padit Kim Jong Un: Më burgosën, më rrahën dhe më përdhunuan

21:10 POLITIKË

Tare: Në Theth mund të bëhej një model i krahasueshëm me Zvicrën apo Austrinë

Dua të lexoj më shumë lajme