Pas SHBA edhe Gjermania kundër “botës serbe”: Bosnja akuzon Beogradin për sulm

12 Qershor 2024, 21:52 / BOTA ALFA PRESS

Pas SHBA edhe Gjermania kundër “botës serbe”: Bosnja

Pas kritikave të forta të Shteteve të Bashkuara, edhe Gjermania reagon kundër konkluzioneve të të ashtuquajturit parlament i “Botës Serbe”. Ministrja e Jashtme, Annalena Baerbock, shprehu shqetësim për aktivitetin e mbajtur me 8 qershor.

“Kërcënimet ndaj pavarësisë, sovranitetit dhe integritetit territorial të Bosnje dhe Hercegovinës janë krejtësisht të papranueshme për Gjermaninë dhe Perëndimin“, tha shefja e diplomacisë së Berlinit.

Autoritetet në Sarajevë e informuan atë se “Bota Serbe” ka bërë sulmin më të rëndë ndonjëherë kundër marrëveshjes së paqes të Dejtonit që nga vitit 1995.