Lajme flash
Raundi i ri i bisedimeve SHBA-Rusi do të mbahet më 10 Prill në Stamboll, ja çfarë pritet të diskutohet!
8 Prill 2025, 22:21 / BOTA
Një raund i ri konsultimesh midis Shteteve të Bashkuara dhe Rusisë do të zhvillohet më 10 prill në konsullatën ruse në Stamboll, tha një burim diplomatik për Reuters.
Shkurtin e kaluar, delegacionet nga Rusia dhe Shtetet e Bashkuara zhvilluan bisedime në Stamboll që përbënin testin e parë të përpjekjeve të të dy vendeve për të “ngrohur” marrëdhëniet dypalëshe.
Më herët të martën, agjencia shtetërore ruse e lajmeve TASS raportoi se delegacionet nga Rusia dhe Shtetet e Bashkuara do të takohen për konsultime në Stamboll në ditët në vijim, duke cituar Ministrinë e Jashtme ruse.
Delegacioni rus do të kryesohet nga Alexander Dartsiev, i cili së fundi është emëruar si ambasador i Rusisë në Shtetet e Bashkuara, ndërsa delegacioni amerikan do të kryesohet nga zëvendësndihmës sekretarja e shtetit Sonata Coulter, njoftoi TASS.
Të dy delegacionet do të përbëhen vetëm nga diplomatë dhe bisedimet do të fokusohen në normalizimin e punës së misioneve diplomatike të dy vendeve, tha Ministria e Jashtme ruse, sipas TASS.
Zyrtarët amerikanë dhe rusë u takuan në shkurt në kryeqytetin saudit Riad, ku ranë dakord të eksplorojnë “mundësitë ekonomike dhe investuese” që mund të krijohen për vendet e tyre nga fundi i luftës në Ukrainë, e cila ishte pjesë e një afrimi më të gjerë me Moskën e ndjekur nga administrata e re e Trump.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128