Lajme flash
Tre djemtë e udhëheqësit të Hamasit Ismail Haniyeh vriten nga një sulm ajror izraelit
10 Prill 2024, 18:11 / BOTA
Tre djemtë e udhëheqësit të lartë të Hamasit, Ismail Haniyeh, janë vrarë në një sulm ajror izraelit në Rripin e Gazës.
Lajmi që u njoftua fillimisht nga mediat e Hamasit, u konfirmua më pas nga vetë Haniyeh i cili tha se vrasja e djemve të tij, nuk do të ketë ndikim tek kërkesat e grupit militant në negociatat për armëpushim.
Në një intervistë për televizionin Al Jazeera ai akuzoi Izraelin se po vepron në “frymën e hakmarrjes dhe vrasjes”.
Haniyeh foli menjëherë pasi djemtë e tij Hazem, Ameer dhe Mohammed Haniyeh u vranë bashkë me anëtarë të tjerë të familjes, kur një makinë me të cilën po udhëtonin u vu në shënjestër të forcave izraelite në kampin e refugjatëve Al-Shati të Gazës.
Mediat e Hamasit thanë se edhe dy nga nipërit e udhëheqësit të grupit u vranë në sulm dhe një i tretë u plagos.
Ismail Haniyeh, i cili tani jeton në mërgim në Katar, është me origjinë nga Shati. Ushtria izraelite nuk ka bërë koment për ngjarjen./ZËRI I AMERIKËS
-
Aksident i rëndë në Kosovë, gjashtë të lënduar
10 Prill, 17:47 -
-
Po ndodh...
Tallja e Ramës me integrimin në BE
Nga Namir Lapardhaja
ide
“Kush flet më për Lulzim Bashën?!”
Nga Sidi Hasanaj
Basha surpriza e kësaj fushate!
Nga Alban Daci
Rama përball Starmer/ Dy Kryeministra, dy botë!
Nga Lutfi Dervishi
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128