Bujqësia në krizë/ Fermerët në Kallm të Fierit braktisin tokat dhe bagëtitë, prodhimet mbeten pa treg

Dikur një nga zonat me bujqësinë dhe blegtorinë më të zhvilluar në Fier, fshati Kallm po përballet sot me një krizë të thellë të sektorit bujqësor.

Rritja e çmimeve të karburantit, plehrave kimike dhe pesticideve, por edhe mungesa e tregut për shitjen e prodhimeve, kanë detyruar fermerët të reduktojnë ndjeshëm sipërfaqet e mbjella dhe numrin e krerëve të bagëtive.

Prodhimi i grurit dhe misrit, dikur burim kryesor të ardhurash për familjet e zonës, tashmë po kthehet në një barrë për fermerët.

“Ne kultivojmë pothuajse gjithçka, grurë, misër, bathë, jonxhë, kemi edhe ullinj e vreshta. Kam aplikuar për subvencione, por nuk kam përfituar për bujqësinë. Prodhim kemi, por nuk e shesim dot. Magazinën e kam plot me grurë e misër. Me 25 lekë nuk e shes dot, ndërsa plehrat janë rritur shumë. Punojmë kot. Nuk dua të mbjell më grurë. Jemi pensionistë, me 150 mijë lekë në muaj nuk na dalin as për ilaçe. Shteti po e falimenton blegtorinë dhe bujqësinë”.

Problemet nuk janë më të pakta as për blegtorët. Mungesa e pikave të grumbullimit, çmimi i ulët dhe vështirësitë në shitjen e qumështit kanë bërë që shumë familje të heqin dorë nga rritja e bagëtive.

“Merrem me blegtori, kryesisht me dhi. Në fillim na thanë se do ta merrnin qumështin, çuam dy-tre herë ne fabrike dhe pastaj na thanë se nuk do ta grumbullonin më, sepse nuk kishte shitje. Tani e përdorim për vete dhe një pjesë e shesim vetë. Subvencione për bagëtitë nuk kam marrë asnjëherë. Nuk i kanë matrikulluar të gjitha bagëtitë, disa i lanë jashtë. Me këto të ardhura nuk e mbaj dot familjen, jam edhe me listë në dyqan”.

“Kemi edhe blegtori, por subvencione nuk marrim, sepse kemi pak sipërfaqe toke. Kjo nuk është e drejtë, por nuk kemi ku ta kërkojmë të drejtën. Po i reduktojmë sipërfaqet, sepse nuk kemi ku ta çojmë grurin. Shumë fermerë këtu kanë hequr dorë nga mbjellja, ndërsa të tjerë e kanë zvogëluar sipërfaqen”.

Fermerët paralajmërojnë se, nëse situata vijon kështu, Kallmi rrezikon të humbasë traditën e tij bujqësore dhe blegtorale. Ndërsa të rinjtë po largohen gjithnjë e më shumë nga fshati, toka që dikur siguronte jetesën e dhjetëra familjeve rrezikon të mbetet e papunuar./ Top Channel

Po ndodh...

13:10 AKTUALITET

Mashtrim, fshehje të ardhurash dhe pastrim parash/ Prokuroria çon në gjyq administratorin e “EURO-BETON 2005”, sekuestrohen 10 mln € pasuri

12:54 AKTUALITET

Emri/ Ra në kontakt me rrymën elektrike, humb jetën elektriçisti në Vlorë

12:47 AKTUALITET

Financimet e “Këngës Magjike” nga Bashkia e Tiranës, Ardit Gjebrea del pas më shumë se 2 orësh nga SPAK

12:40 SPORT

Maran shpjegon zgjedhjet për listën e Kombëtares, Balliu ka njoftuar tërheqjen nga Kombëtarja

12:34 POLITIKË

“Protestat përbëjnë një të drejtë themelore”/ Ambasadorja holandeze kritika qeverisë: Dhuna na ka shokuar, liria e medias kërkon më shumë vëmendje

12:19 POLITIKË

Balliu: Berisha simbol i korrupsionit shqiptar, nuk ka fuqi që të sfidojë Ramën

12:02 BOTA

Dyshohet se dhunuan studentët gjatë protestave, vendoset paraburgim për 9 policë serbë

11:51 POLITIKË

Prioritetet për marrëdhëniet SHBA-Shqipëri/ Ambasada Amerikane prezanton ambasadorin e ri, Eric Wendt

11:45 POLITIKË

PD çon në Kushtetuese ‘paketën antidhunë’ të protestave, thërret në komision Skënder Hitën

11:29 AKTUALITET

Dosja e bujshme e prostitucionit në Paris/ Kush është ‘tutorja’ shqiptare që kërkon lirimin nga burgu

11:11 AKTUALITET

Pretendohet se bllokuan qarkullimin gjatë protestës në Tiranë, policia gjobit 12 persona

10:40 POLITIKË

Alarm në Berlin për Shqipërinë/ DW: Çështja Balluku dhe mënyra si ka trajtuar qeveria protestat, arsyet e ngecjes drejt BE!

10:33 BOTA

“Vala blu” trondit Wall Street, Nasdaq humb 2.5 trilionë dollarë mes frikës për të ardhmen e AI

10:14 AKTUALITET

Ardit Gjebrea paraqitet në SPAK, hyn i vetëm në Prokurorinë e Posaçme

Dua të lexoj më shumë lajme